Author: Salokya

अघिल्लो ब्लग ‘कहाँ हराएँ म ?’ लेख्न सुरु गर्दा मलाई थाहा थिएन, यस्ता व्यक्तिगत विषयहरु लेखेर मैले ठीक गरिरहेछु कि गलत। त्यो ब्लग लेखेको पनि एक महिना पो नाघिसकेछ। अहिले लाग्दैछ, त्यो ब्लगमा आफ्ना कुराहरु खोलेर मैले नराम्रो गरेनछु। ब्लगमा अहिलेसम्म ७६ वटा कमेन्ट आए। प्रत्येक कमेन्टका हरेक शब्दले मलाई नयाँ उत्साह, थप ऊर्जा दिएका… Continue reading

माइसंसारको १९ वर्षको इतिहासमा कहिले पनि एक महिनाभन्दा बढी समयसम्म नयाँ ब्लग नलेखिएको इतिहास छैन। तर यसपालि यस्तै भयो। पछिल्लो पोस्ट अप्रिल ८ मा भएको रहेछ अनि आज मे ११। कहाँ हराएँ म ? केही एकदम निकट साथीहरु बाहेक धेरैलाई थाहा छैन म समयको यो कालखण्डमा कस्तो अवस्थाबाट गुज्रिरहेको छु। सबैलाई भन्दै हिँड्ने कुरा पनि… Continue reading

‘कान्तिपुर’मा एक लाख रुपैयाँमा कत्रो विज्ञापन छापिन्छ ? अनि कान्तिपुरमा विज्ञापन छापिएपछि त सबैले पढ्छन्, व्यापकै हुन्छ होला नि हगि ! यो दुई जिज्ञासाको एउटा राम्रो जवाफ कान्तिपुर आफैले विज्ञापनै छापेर दिएको छ। पत्याउनु भएन ? पख्नुस्, म प्रमाणसहित देखाउँछु।

यसअघि पनि पाल्पा छोटो समयका लागि नपुगेको होइन, तर गएको तिहार अगाडिको यात्रा भने अविस्मरणीय हुन पुग्यो। घुम्न जाँदा त्यहाँको अस्पताल कहिले पनि सूचीमा पर्दैन। तर यस पटक त्यस्तै पर्‍यो। खासमा सूचना चलखेल र लोकतन्त्र सम्बन्धी प्रदेशस्तरीय कार्यशाला गण्डकीको पोखरामा सकाएर लुम्बिनीको पाल्पामा हुँदै थियो। हामी सडक बाटो हुँदै पाल्पा पुगेका थियौँ। दिनभरको यात्रा, त्यसपछि… Continue reading

‘ल है मेरो पनि ब्लगिङ सुरु भयो’ शीर्षकमा एउटा पोस्ट लेखेको सन् २००५ मा रहेछ। त्यही थियो पहिलो ब्लग पोस्ट माइसंसारमा त्यतिबेला नाम थियो ‘मेरो संसार’। अहिले फर्केर हेर्दा अचम्म लाग्छ- सन् २००५ को अप्रिल ६। अर्थात् २०६१ साल चैत २४ गते। त्यतिबेला अहिले जस्तो सामाजिक सञ्जालको बिगबिगी थिएन। फेसबुक सबैका लागि खुला भएको त… Continue reading

चर्चित टक शो होस्ट टीकाराम यात्रीको हिमालय टेलिभिजनमा पनि प्रसारण हुने कार्यक्रम ‘अँध्यारोबाट उज्यालोतिर’ मा प्राध्यापक सूर्य सुवेदीसितको अन्तर्वार्ता केही अघि प्रसारण भएको थियो। उक्त अन्तर्वार्ता युट्युबमा पनि हेर्न पाइन्छ। अन्तर्वार्ताको सुरु मै यात्रीले भन्छन्, ‘त्यो चाहिँ कस्तो हुन्छ भने अल्बर्ट आइन्सटाइनले भन्या छन् नि- reality is more powerful than imagination भन्छन् नि यथार्थ चाहिँ… Continue reading

हाम्रा खेल पत्रकारहरुले सामान्य हिसाब पनि जान्दा रैनछन् भन्ने प्रमाण आजको समाचारले प्रमाणित गरिदिएको छ। हैट, होइन होला। कहाँ पत्रकारहरुले हिसाब बिगार्छन् भन्ने तपाईँहरुलाई लागेको भए आउनुस् म प्रमाणसहित तपाईँलाई देखाइदिन्छु। उदाहरणका लागि सबैभन्दा पहिला हेरौँ इकान्तिपुरमा छापिएको यो समाचारलाई।

बिहीबार बिहानै एउटा समाचारले बजार पिट्यो : सहकारी ठगीको मुद्दामा फरार जीबी राई पक्राउ परे। डढेलो जस्तै यो समाचार आक्रामक रुपमा फैलियो। खासमा यो गलत रहेछ। पुलिसलाई नै पक्राउ परेको थाहा रहेनछ, पत्रकारहरुमात्रै चम्किएका रहेछन्। अझ रोचक त यो मिथ्या सूचना राखेर त्यसलाई बनाएको बहानामा देखियो। आउनुस्, एक पटक हेरौँ र रेकर्डमा राखौँ यो ‘काण्ड’लाई।

हिजो अस्ति भर्खरको कुरा हो, पक्कै पनि तपाईँले एउटा छाती चौडा हुने, गर्व लाग्ने समाचार अनलाइन मिडियाहरुमा पढ्नुभएको हुनुपर्छ। समाचारको शीर्षक थियो- ‘नासामा पूर्ण छात्रवृत्तिमा अध्ययन गर्ने पहिलो नेपाली महिला बनिन् फलानो’ नेपालीहरु नासा भन्ने बित्तिकै यस्सै भावुक भइदिन्छन्। विजय शाहीदेखि अरु धेरै नासा पुगिसके। कुरा बुझ्दै ल्याउँदा थाहा भो, यस पटक पनि भावुक मिडियाले… Continue reading

आइपिओ जारी गर्ने नेपालको पहिलो मिडिया ‘नागरिक’ को प्रकाशन कम्पनी नेपाल रिपब्लिक मिडियाले केही दिनअघि दोस्रो त्रैमासिक अवधिको रिपोर्ट सार्वजनिक गरेको छ। पब्लिक कम्पनी भएपछि हरेक तीन तीन महिनामा आर्थिक हिसाबकिताब सार्वजनिक गर्नुपर्छ। दोस्रो बजारमा भाउ साढे तीन गुणा बढी भए पनि यो कम्पनीले नाफा कमाउने कुनै सम्भावना देखिँदैन। के के देखिन्छ त हिसाबकिताबमा ?… Continue reading