– राजु आचार्य –
अनुसन्धानकर्मीहरुले सबै वन्यजन्तुलाई देख्न सक्दैनन्। अनुसन्धानलाई सहज होस् भनेर स्वचालित क्यामेराहरु वन्यजन्तु हिँड्ने सम्भावित स्थानहरुमा राख्ने गरिन्छ। दिउँसो होस् या राति वन्यजन्तुहरु क्यामेराको अगाडिबाट हिँडे भने यसले फोटो खिची हाल्छ। तर यसरी राखिएका क्यामेराहरुले वन्यजन्तु मात्रै नभई अगाडि पर्ने सबैको फोटो खिच्ने गर्छ। क्यामेरा देखे भने सिकारीहरुले चोर्ने वा बिगार्ने गर्दछन्। तर स्थानीय मानिसहरुले क्यामेरा देखे भने रमाइलो समेत गर्छन्। चितवनमा ६ वर्ष अघि राखिएको क्यामेरा अगाडि आएर अल्लारे युवाले देखाउन नहुने अङ्ग देखाएका थिए। कोही सेल्फी खिच्छन्, कोही अनौठो मानेर हेरिरहन्छन्। वन्यजन्तुले पनि क्यामेरा देखेमा चाट्ने, टोक्ने, बिगार्ने, कनाउने गर्दछन्। क्यामेरा ट्रयापमा परेका मानिस र वन्यजन्तुका केही फोटोहरु हेरौं।
फोटोहरु : प्रकृतिका साथीहरु
