अहिले दशैं जस्तो रमाइलो चाडको मुखैमा आएर एउटा नरमाइलो समाचारले हामी नेपालीहरुलाइ पिरोलेको छ। नेपाली फुटबल टोलीका कप्तान सागर थापा लगायत अन्य केही खेलाडी र पूर्व खेलाडी समेतको मिलेमतोमा विगत केहि वर्षदेखि नै नेपाली टोलीले ठूलो रकम लिएर खेल हार्दै आएको तथ्य प्रहरीले पर्दाफास गरेको छ। यस घटनाको रहस्योद्घाटनसंगै धेरै मान्छेले अचम्मित हुँदै जिब्रो टोकेका छन्। अझ कोही कोही त गालीगलौजमा उत्रेका पनि छन्। नेपालमा हामीले खेल विशेष गरी फुटबल र क्रिकेटलाई आफ्नो राष्ट्रियतासँग दाँजेर हेर्ने गरेका छौँ। यस अर्थमा पैसाको लोभमा जानी जानी विदेशीसँग घुँडा टेकेर खेलाडीहरुले ‘राष्ट्रघात’ गरेका छन्। उनीहरुले हदैसम्मको सजाय पाउनु पर्छ। यो कुरामा कुनै दुई मत छैन।
तर यसमा दोष के खेलाडीमात्रको हो ? हाम्रा खेलाडी हाम्रै नेपाली समाजका एक हिस्सा हुन्। अनि हाम्रो