-विष्णुबाबु पौडेल/चीन-
दक्षिणी छिमेकीका फिल्महरुमा त नेपाल प्रशस्तै देखाइसकेका छन्। उत्तरी छिमेकीका फिल्ममा भने खासै छैन भन्दा हुन्छ। अहिले चिनियाँ पर्यटकहरु बढेसँगै चिनियाँ फिल्ममा पनि नेपाल देखिन थालेको छ। चिनियाँ नयाँ वर्षको अवसर पारेर रिलिज गरिएको एउटा फिल्म 等风来 जसलाई अङ्ग्रेजीमा Up in the wind भनिएको छ, त्यसको कथा नेपालमा आधारित हो। कमेडी र रोमान्स मिसिएको यो फिल्म नेपाल घुम्न आएका चिनियाँ जोडीको कथामा आधारित छ। फिल्म राजधानी काठमाडौँ, पोखरा र चितवनमा सुटिङ गरिएको हो। चीनका धेरैलाई आफ्नो छिमेकी देश नेपाल बारे जानकारी नभएको अवस्थामा यो फिल्मले नेपाललाई चिनाउने आशा गरिएको छ।
