-विजय ज्ञवाली, क्लिनिकल मनोविज्ञ-
समयमा उचित कदम नचाल्ने तर पछि त्यसको चर्चा गर्ने बानी भएका हाम्रो लागि प्रवेशिका परीक्षा एउटा राम्रो उदाहरण हो। प्रत्येक वर्षको परिणाम आएपछि विद्यार्थीले परिणाम कै कारण आफनो जीवन समाप्त गरेका समाचारले पत्रपत्रिकामा प्रमुखता पाउने गरेका छन्। जससँगै यसको औचित्यको चर्चा पनि हुने गरेको छ। चर्चा ठोस कदम को अभावमा फेरि अर्को वर्षसम्म हराउने गरेको छ। यो वर्ष पनि परीक्षा नियन्त्रण कार्यालयले एसएलसीको तालिका प्रकाशित गरिसकेको छ। तसर्थ समय नै यसको औचित्यमाथि विचार हुनु आवश्यक छ।
विगतको २ वर्षको परिणाम हेर्ने हो भने पनि कूल परिक्षार्थीको आधा प्रतिशत पनि उत्तीर्ण हुन नसकेको परीक्षाका कारण हामीले यो दुई वर्षमा १० जना विद्यार्थी गुमाइसकेका छौँ। यसबाट उनीहरुमा परेको मानसिक आघात र तनावको त कुनै लेखाजोखा छैन।
धेरैजसो विद्यार्थीहरुले आफ़्ना अभिभावकको आशामा खरो नउत्रिँदा सामाजिक दबाब र आफूप्रतिको हिनताबोधबाट टाढा हुनको लागि पनि आफ्नो जीवनको अन्त्य गर्ने गरेको देखिन्छ। एसएलसी सामाजिक प्रतिष्ठाको रुपमा प्रचार