खासमा कस्तो अवार्ड दिन लागिएको हो भरतपुरका मेयर रेणु दाहाललाई?

रुटिन अफ नेपाल बन्दले आफ्नो फेसबुक पेजमा गएको फेब्रुअरी १० तारिखमा रेणु दाहालले युके (बेलायतमा) इन्टरन्यासनल मेयर अवार्ड पाउन लागेको भन्दै त्यसलाई ठूलो उपलब्धि भएको दावी गर्दै फोटोसहितको पोस्ट गर्‍यो।

उक्त पोस्टमा त्यो कस्तो अवार्ड हो, कसले दिने हो भन्ने बारे केही उल्लेख थिएन।

लगत्तै फेसबुकमा धेरैले पोस्ट गर्न थाले। उनीहरुको दावी थियो, यो बेलायत सरकारले दिने अवार्ड हो।

के साँच्चै उनीहरुले दावी गरे जस्तै यो बेलायत सरकारले नै दिने अवार्ड हो त ? आउनुस् यसबारे विस्तृतमा बुझौँ।

रुटिनेले लेखेको पोस्टमा International Mayor Award in the Political & Public Life Awards 2024, UK लेखिएको छ।

त्यसैगरी विश्वखबर नाम गरेको अनलाइनमा त ‘बेलायतको सदनमा हाउस अफ् कमन्स्मा बेलायतका सभामुखले मेयर दाहाललाई उक्त अवार्डबाट सुशोभित गर्ने र मेयर दाहालले त्यहाँ सम्बोधन गर्ने कार्यक्रम रहेको’ समेत दावी गरिएको छ।

युकेको Political & Public Life Awards भनेको कस्तो अवार्ड रहेछ भनेर खोज्दै जाने क्रममा हामीले लिङ्क्डइनमा यो पोस्ट भेट्टायौँ-

यो अवार्ड दिने रहेछ इकोनोमिक पोलिसी ग्रुप नामको संस्थाले जसलाई छोटकरीमा इपिजी भनिन्छ।

यो कस्तो संस्था रहेछ भन्ने जान्न मन लागेर यसबारे खोजियो। सो संस्थाको वेबसाइटमा लेखिएको यस्तो भेटियो-

यो एउटा कन्सल्टिङ फर्म रहेछ जसले आर्थिक र रणनीति सम्बन्धी सल्लाह दिने काम गर्छ। यसका कार्यालयहरु बेलायत, भारत र युगान्डामा रहेछ। Asian Business Publications Ltd (ABPL) नामको संस्था मातहत यो फर्म रहेको छ।

यसबाट प्रष्ट भयो, यो बेलायत सरकारले नभई एउटा निजी संस्थाले दिने अवार्ड रहेछ।

अब यसले के के विषयमा अवार्ड दिने गरेको रहेछ, त्यो पनि हेरौँ-

उसैको वेबसाइटमा उल्लेख भए अनुसार यो अवार्ड १६ वर्षदेखि दिन सुरु भएको हो। तर अहिलेसम्म कसैलाई अन्तर्राष्ट्रिय मेयर अवार्ड दिएको चाहिँ भेटिएन।

पोलिटिकलमा Cabinet Minister of the Year, Shadow Cabinet Minister of the Year, Conservative Backbencher of the Year, Labour Backbencher of the Year, Liberal Democrat Backbencher of the Year, London Politician of the year, London Councillor of the Year विधामा अवार्ड दिइएका थिए भने पब्लिक लाइफ अन्तर्गत दिइएका अवार्डहरुको क्याटेगोरी वेबसाइटमा यस्तो राखिएको छ-

Female Entertainer of the Year

Male Entertainer of the Year

Humanitarian Campaigner of the Year

Community Service Achievement

Professional of the Year

Business Person of the Year

Entrepreneur of the Year

Journalist of the Year

Lawyer of the Year

Sports Personality of the year

TV Channel of the Year

Restaurant of the Year

हेर्नुस् अर्काइभ लिङ्कमा गएर

मतलब इन्टरन्यासनल मेयर अवार्ड भनेर त दिइएकै रहेनछ अहिलेसम्म। तर त्यसो भन्दैमा अहिले नदिने भन्ने हुँदैन। अहिले नयाँ क्याटेगोरी बनाएर दिन पनि सकिन्छ। निजी संस्थाले दिने अवार्ड हो, जसलाई दिँदा राम्रो हुन्छ, उसैलाई दिन्छ।

तर पहिले अवार्ड पाएकाहरुको नाम उसकै वेबसाइटबाट हेर्दा भने भारत र भारतीय मूलका व्यक्तिहरुले धेरै पाएको देखिन्छ यो अवार्ड। हेरौँ –

बेलायत बाहिर यी व्यक्तिहरुले मात्रै यो अवार्ड पाएका रहेछन्-

बेलायती दूतावास नजिककालाई सोधी हेर्दा मेयर रेणु दाहाल आउने भन्ने कुरा चाहिँ निश्चित भएको तर अवार्ड आदिको बारेमा केही थाहा नभएको जानकारी पाइयो।

एनआरएन युकेले भने ५ मार्च २०२४ मा एउटा कार्यक्रमको आयोजना गरेको रहेछ। एनआरएनले बाँडेको निम्तोमा पनि ‘अन्तर्रास्ट्रिय मेयर अवार्ड ग्रहण गर्न बेलायत भ्रमणमा आउन लाग्नु भएकी’ लेखिएको छ।

दूतावासमा पुगेको कार्यक्रम तालिका अनुसार ४ मार्चमा बेलायत आइपुग्ने रेणु दाहालको ७ मार्चमा अवार्ड कार्यक्रम रहेको छ।

बेलायतको संसदमा कार्यक्रम हो ?

यससम्बन्धी समाचार लेख्नेहरुले बेलायतको संसदमा यो कार्यक्रम हुने र बेलायती सभामुखले अवार्ड दिने दावी गरेको पाइएको छ।

के साँच्चै बेलायतको संसदमा यो कार्यक्रम हुन लागेको हो त ?

वेबसाइटमा राखिएको सूचना अनुसार हो, यो कार्यक्रम बेलायतको तल्लो सदन House of Commons को Terrace Pavilion मा हुने रहेछ।

तर उत्साहित हुनुपर्ने खास कारण पनि छैन। यो भनेको बेलायतको संसदको एउटा त्यस्तो प्याभिलियन हो, जहाँ भाडा तिरेर व्यवसायिक कार्यक्रम गर्न पाइन्छ।

पढ्नुस् रेट विवरण

थप विवरण हेर्नुस्

यो संस्थाका आयोजकको पार्टनरहरुको नाम हेर्नुस् त- सबै भारतीय छन्।

एसियन भ्वाइस र गुजरात समाचार त्यही ABPL group ले सञ्चालन गरेको मिडिया हो, जसले यो अवार्ड दिन्छ। र चार मध्ये तीन भारतसँग सम्बन्धित छ।

यो युकेमा रहेको भारतीय कम्युनिटीले दिने र पाउने अवार्डमा एक्कासी रेणु दाहाल कसरी परिन् त ?

ठ्याक्कै भन्न त सकिन्न। तर यसो अनुमान लगाउनका लागि म तपाईँलाई लैजान्छु सेतोपाटीमा प्रकाशित एउटा समाचारतर्फ।

याद छ यो समाचार ?

यो समाचार पढ्दा रेणु दाहालको ज्वाइँ जस्तो लायक केटो संसारमा अरु कोही छैन भन्ने जस्तो भावुक बनाउने खालको थियो। त्यो समाचारका केही लाइन तपाईँले याद नगर्नुभएको भए म अहिले यता कपिपेस्ट गरिदिन्छु-

कतै बेलायतमा पढेका ज्वाइँले त्यहाँको सम्पर्क सूत्रहरुलाई उपयोग गरेर सासुका लागि अहिलेसम्म संस्थाले कसैलाई नदिएको इन्टरन्यासनल मेयर अवार्ड दिन सघाएको त होइन ? ज्वाइँले दिने यो भन्दा राम्रो उपहार के हुनसक्छ र ?

तर फ्याट्टै यही निश्कर्षमा पुग्न भने हुन्न। नहुन पनि सक्छ नि।

त्यसो भए पनि थाहा त पाउनु पर्‍यो- यो युके र भारतीय मूलका अनि भारतीयलाई दिने अवार्ड नेपालको चितवनको भरतपुर महानगरपालिकाका मेयरले कसरी पाए ?