निर्वाचन आयोगभन्दा छिटो हुन खोज्दा चिप्लिएका मिडिया

निर्वाचन आयोगले राष्ट्रिय सभाको हिजो भएको निर्वाचनको आधिकारिक परिणाम सार्वजनिक गर्नुअघि नै केही अनलाइन मिडियाले परिणाम सार्वजनिक गरेको थियो। ठीकै परिणाम सार्वजनिक गरे त ठीकै पनि हुन्थ्यो होला, तर परिणामै गलत हुने समाचार पो आयो।

कुरो कांग्रेसका कृष्णप्रसाद सिटौलाको हो, जो प्रतिनिधि सभा निर्वाचनमा पराजित भएका थिए। तल्लो सदनको निर्वाचनमा हारिसकेका उम्मेदवार भएकोले धेरैको चासो थियो। सुरुवाती मतगणनामा उनी पछि पनि परेको समाचार आएकै थिए। तर जितेका उम्मेदवारलाई पराजित त भन्न भएन नि !सुरुमा हेरौँ नेपालप्रेस। नेपालप्रेसले कोशीमा सिटौलालाई स्तब्ध पार्दै राप्रपाका पौडेल विजयी शीर्षकमा समाचार राखेको थियो।

यसबारे समाचार सोसल मिडियाहरुबाट हटाए पनि हाम्रोपात्रोमा भने अझै छ। हाम्रो पात्रोले सम्बन्धित अनलाइन न्युजपोर्टलको फिड तान्ने भएकोले पहिले जुन हेडलाइन राखेको छ, त्यही देखाउँछ। सम्बन्धित मिडियाले सच्याए पनि पहिले नै तानिसकेको फिड सच्चिँदैन।

हाम्रोपात्रोमा अहिले यस्तो देखिन्छ-

 

सिटौला हारेको समाचार राख्ने अर्को अनलाइन हो नेपालभ्युज।

नेपालभ्युजले ‘राष्ट्रियसभा निर्वाचन : कोशीमा हारे सिटौला, राप्रपाका पौडेल विजयी’ शीर्षकमा समाचार राखेको थियो।

अहिले यो समाचार परिवर्तन गरिसकेको भए पनि हाम्रो पात्रोमा अझै पनि यही हेडलाइन देख्न सकिन्छ।

जितेका सिटौलालाई हारेको बनाउने अर्को अनलाइन हो- न्युजअफनेपाल डट कम। नेपाल समाचारपत्र राष्ट्रिय दैनिकको आधिकारिक अनलाइन न्युजपोर्टलमा

उसले राखेको हेडलाइन थियो- ‘राष्ट्रियसभा निर्वाचन : कोशीमा सिटौलालाई धक्का, राप्रपाका पौडेल विजयी’

हाम्रोपात्रोको फिडमा पनि उसको समाचार यसरी हेर्न सकिन्छ-

जबकि आधिकारिक परिणाम सार्वजनिक गर्दा निर्वाचन आयोगले यस्तो लेखेको थियो-

 

जितेकोलाई हारेको समाचार लेखेपछि मिडियाले के गरे ?

जितेको उम्मेदवारलाई हारेको भन्दै समाचार लेखिसकेपछि मिडियाले त्यसलाई कसरी सच्याए त ?

नेपालप्रेसले पुरानै समाचारको लिङ्कमा हेडलाइन सच्याएर यस्तो राख्यो- ‘कोशीमा गठबन्धनको साख जोगाउँदै सिटौला विजयी’। अनि समाचारको पुछारमा लेख्यो-

यसमा अन्यथा भनेको के हो, खुल्दैन। जबकि पहिले के लेखिएको गल्ती थियो र के हुनुपर्ने थियो भन्ने प्रष्ट खुलाएर पारदर्शी रुपमा मिडियाले भूल सुधार गर्ने विश्वका प्रतिष्ठित मिडियाको चलन छ।

अब हेरौँ नेपालभ्युज।

नेपालभ्युजको नयाँ हेडलाइन यस्तो आयो-

यसमा गल्ती भएको, सच्याइएको- कुनै पनि कुरा लेखिएको छैन। मानौँ गल्ती भएकै छैन। गल्ती राखे पनि कसैले थाहा पाएकै छैन।

अब अन्तिममा न्युजअफनेपाल हेरौँ।

यसमा चाहिँ सबैभन्दा सजिलो उपाय अपनाइएको छ-

अर्थात् गल्ती भएको समाचारै डिलिट गरिएको छ।

मानौँ, गलत समाचार छापिएकै थिएन, कसैलाई थाहै भएन।

गलत भएकोमा गलत भएको हो भनेर स्वीकार गर्न पनि न्युजअफनेपाललाई गाह्रो भएछ।