नेपालमा कोरोना संक्रमितहरुको संख्या दुई अङ्क पुगेको छ। यसअघि नौ जना संक्रमित भेटिएर एक जना स्वस्थ भइसकेको तथ्याङ्क रहँदै आएकोमा आज पुष्टि भएका तीन जनाको संख्या जोड्दा अब कूल संख्या १२ पुगेको छ।
पर्साको वीरगंज महानगरपालिका, वडा नम्बर २, छपकैयास्थित मस्जिदमा शंकास्पदरूपमा रहेका २१ जनाको परिक्षण गर्दा त्यस मध्ये तीन जना वर्ष ३७, ५५ र ४४ का पुरुषहरूलाई कोभिड-१९ पोजिटिभ भेटिएको स्वास्थ्य मन्त्रालयले आफ्नो आधिकारिक फेसबुक पेजमा उल्लेख गरेको छ।
शंका लागि नारायणी अस्पताल, वीरगंजमा उनीहरुलाई आइसोलेसनमा राखी थ्रोट स्वाब किटजन्य रोग अनुसन्धान तथा तालीम केन्द्र, हेटौडाको ल्याबमा परिक्षण गरिएको थियो|
परीक्षणका क्रममा २१ जना मध्ये शंकास्पद तीन जनाको पोजिटिभ देखिएपछि पुन एकिन गर्न राष्ट्रिय जनस्वास्थ्य प्रयोगशालामा चैत २९, शनिबार पुनः परिक्षण गरिएकोमा त्यहाँबाट समेत पोजिटिभ देखिएको थियो।
उनीहरुको संसर्ग र उनीहरू गएको स्थान पहिचान गरी Contact Tracing गर्ने कार्यहरू भैरहेको मन्त्रालयले जनाएको छ।
उनीहरु दिल्लीको तबिलिगी जमातबाट फर्किएकाहरु हुन्। उनीहरुसँगै २४ जना भारतीय नेपाल आएकोमा तीन जनामा कोरोना पोजिटिभ भेटिएको हो।