फोटोमा देखिएको hydroxychloroquine ट्याब्लेट हो। मलेरियाको उपचार गर्न प्रयोग हुने यो औषधिले कोभिड १९ लाई पनि निको बनाउँछ भन्ने गरिएको छ। तर यो औषधिलाई अहिलेसम्म कोभिड १९ को उपचारका लागि प्रयोग गर्न सिफारिश भइसकेको छैन। पछिल्लो समय यो औषधि अमेरिकी राष्ट्रपति डोनाल्ड ट्रम्पका कारण चर्चामा छ। पछिल्लो समय ट्रम्प र भारतबीच यो औषधिको बारेमा तनाव भयो। यही बारे नेपालको राष्ट्रिय दैनिक अन्नपूर्ण पोस्टको अनलाइनले समाचार लेख्दा ‘खोप’ लेखेको छ। एउटा मात्र हैन, दुई दुई वटा हाम्रोपात्रो एपको सबैभन्दा बढी पढिएका समाचारमा औषधिलाई खोप लेखिएको छ।