पाल्पामा सबैभन्दा जान मन लागेको ठाउँ थियो रानीमहल। धेरै सुनेको तर जान नजुरेको ठाउँ। त्यसैले साथी टेकनारायण भट्टराईले घुम्न जाने प्रस्ताव राख्ने बित्तिकै रानीमहलले लोभ्यायो र यस पटक त्यो इच्छा पूरा भयो। रानीमहलबारे पछि अर्कै ब्लगमा लेखौँला। पाल्पा जाँदै गर्दा सिद्धबाबाको कुख्यात पहिरो कटेपछि आयो ‘भालेबास’ नामको ठाउँ। एउटा ठूलो भालेको मूर्ति बनाइएको रहेछ त्यहाँ। अनि एउटा पाखोलाई रमाइलो पार्कमा परिणत गरिएको रहेछ। यसका सूत्रधार रहेछन् केशव कार्की। हाम्रो पाल्पा यात्राको क्रममा भेटिएका एउटा फरक पात्रमध्ये एक। सजीवनदेखि बकाइनोसम्मको तेलबाट गाडी चलाउने, स्टन्ट गर्ने लगायतका अनेक गरिसकेका मान्छे। अचेल उनी जुस पनि