गल्ती भएको स्वीकार्न ‘कान्तिपुर’लाई कति गाह्रो ! ‘नयाँ पत्रिका’ले माफी माग्यो, ‘कान्तिपुर’ चुप बस्यो

सातै प्रदेशमा संस्करण निकाल्ने दुई वटा राष्ट्रिय मिडियाले बिहीबारको अंकमा राष्ट्रिय सभाको जाबो ५६ सिटको हिसाबमा गरेको गडबडबारे माइसंसारमा हिजोको ब्लग पढ्नुभयो होला। नपढ्नुभएको भए क्लिक गर्नुस्

यति गम्भीर गल्ती गरिसकेपछि भोलिपल्ट अर्थात् शुक्रबारको अंकमा यसलाई कसरी सच्याउने हो, चासो लागेको थियो। तर अचम्मैसित एक नम्बरको दैनिक ‘कान्तिपुर’ले पाठकको आँखामा छारो हाल्दै गल्ती भएको जानकारीसमेत दिन कञ्जुस्याइँ गरेको छ। नयाँ पत्रिकाले भने गल्तीका लागि सानोतिनो हैन, ‘गम्भीर क्षमायाचना’ सहित भूल सुधार गरेको छ।

नयाँ पत्रिकाको आजको अंकको चौथो पेजमा पाठक टिप्पणीको छेउमा गरिएको ‘गम्भीर क्षमायाचना’-

कान्तिपुरमा भने न समाचार छापिएको पहिलो पेजमा, न पाठक पत्र छापिने पेजमा, न अरु कुनै पेजमा नै गल्ती भएको स्वीकार गरिएको छ। हेर्नुस् शुक्रबारको इपेपर

के गल्ती भएकै हैन त? कान्तिपुर नै सही हो त?

कान्तिपुरले बिहीबार लेखेको समाचार फेरि एक पटक पढ्नुस्-

ठूलो हेडलाइनमै एमालेको २९ लेखिएको छ। अब निर्वाचन आयोगले गरेको आधिकारिक परिणाम घोषणा हेर्नुस्-

[documentcloud url=”http://www.documentcloud.org/documents/4375552-Rashtriyasabharesult.html” responsive=true]

कसैलाई शंका लागे गनेर हेर्दा हुन्छ- एमालेको २७ छ कि २९।

कान्तिपुरले प्रदेश १ मा एमालेका ६ र कांग्रेसका २ जना राष्ट्रिय सभा सदस्यमा विजयी भएको लेखेको छ। जबकि प्रदेश १ मा महिलातर्फ माओवादी केन्द्रकी विना पोखरेल चुनाव हुनुअघि नै निर्विरोध निर्वाचित भइसकेकी थिइन्।

कान्तिपुरले दुई नम्बर प्रदेशमा पनि गल्ती गरेको छ। समाचारमा लेखिएको छ- ‘प्रदेश २ मा भने यसअघि नै एमाले, कांग्रेस, राजपा र फोरम सबैले दुई/दुई सिट निर्विरोध भइसकेका हुन्।’ खासमा एमालेले दुई हैन एक सिट र माओवादी केन्द्रले एक सिटमा निर्विरोध विजय हात पारेका थिए।

यति गम्भीर गल्ती गरिसक्दा पनि हुने गल्ती भइहाल्यो, थाहा पाउनेले थाहा पाइहाले, भूल सुधार गरे झन् धेरैले थाहा पाउँछन्, लाजै हुन्छ झन् हामीलाई भन्ने लागेर पो हो कि ‘कान्तिपुर’ चुप बसेको !