अहिले चुनाव ताका गजब गजबका पार्टी प्रवेशका समाचार पढ्न पाइन्छन्। कांग्रेसकाहरु एमालेमा, एमालेकाहरु कांग्रेसमा, माओवादीको कांग्रेसमा, कांग्रेसको माओवादीमा। जसले जति सक्छ तान्ने हो। जसले जति सक्छ प्रचार गर्ने हो। तर रमाइलो चाहिँ माओवादीको मन्त्री भनेर प्रधानमन्त्रीले बिना विभागीय बनाइदिएका देउवा मन्त्रिपरिषद्का एक मन्त्री देउवाकै पार्टीमा प्रवेश गरेको समाचारले दियो आज। शम्भुलाल श्रेष्ठ माओवादीको सिफारिशमा देउवा मन्त्रिपरिषद्मा ऊर्जा राज्यमन्त्री थिए। माओवादीले एमालेसित चुनावी तालमेल गरेपछि देउवाले उनीहरुका सबै मन्त्रीलाई बिना विभागीय बनाइदिए। अपमान सहेर बस्दैनौँ भनेका माओवादी मन्त्रीहरु खै कुन्नि किन हो लाजै पचाएर बेरोजगार भए पनि मन्त्री भइरहेकै छन्।
त्यही बिना विभागीय बनाइएका मध्येका एक राज्यमन्त्री शम्भुलाल श्रेष्ठ आज कांग्रेस प्रवेश गरेका हुन्। खासमा उनी कांग्रेसी नै रहेछन् पहिला। पछिल्लो संविधान सभा निर्वाचनमा प्रत्यक्षबाट सर्लाहीबाट निर्वाचित भएका रहेछन्। २०५५ सालमा नेपाली कांग्रेसको सर्लाही जिल्ला सचिव भइसकेका उनी संविधान सभाको निर्वाचनमा कांग्रेसले टिकट नदिएपछि माओवादी प्रवेश गरेका रहेछन्। उतिबेला टिकट नपाएर माओवादी छिरेका उनी यतिबेला चाहिँ बिना विभागीय बनाइसकेपछि फेरि कांग्रेस फर्केका रहेछन्।
कति रमाइलो ! घरी एउटा पार्टीमा, घरी अर्को पार्टीमा। अर्को पटक अर्कै सरकार बनेपछि फेरि अर्को पार्टीमा पो लाग्ने हुन् कि। यस्तैको चल्ने रहेछ यहाँ। हेरेर रमाइलो मान्नु बाहेक अरु के नै गर्न सकियो र।
गरी खान पाइन्छ
sab ko asli rang fataafat dekhirax. hami janata andho hunaale matra…
यस्तैको चल्ने रहेछ यहाँ। हेरेर रमाइलो मान्नु बाहेक अरु के नै गर्न सकियो र।