विदेशमा हुनुहुन्छ? काठमाडौँ नआएको चार महिना भयो? हेर्नुस् के भएको छ परिवर्तन

यदि तपाईँ विदेशमा हुनुहुन्छ र काठमाडौँ नआएको चार महिनाभन्दा बढी भइसकेको छ भने एउटा महत्त्वपूर्ण परिवर्तन भएको छ यहाँ। वैशाख १ गतेदेखि यहाँ हर्न बजाउन निषेध गरिएको छ। तपाईँ अब यहाँ चक्रपथभित्र शायदै हर्न बजेको सुन्नु हुनेछ। सुरुमा त यो नियम कसरी लागू होला जस्तो भएको थियो। यहाँ यति हर्न बज्थे कि कसले पो टेर्थे जस्तो लाग्थ्यो। तर एउटा सामान्य नियम लागू भएको घोषणा मात्रै गर्दा पनि हर्न निषेध राम्रैसँग लागू भयो। शायद यहाँका धेरै मानिस विदेश गएर त्यहाँको ट्राफिकको अवस्था हेरेर आएकाहरु भएको र कसैले पहल मात्र गरिदिए त्यस्तै लागू गर्न तत्पर भएकोले यो नियम पालना भएको। काठमाडौँकै सिको गर्दै साउन १ गतेदेखि पोखरामा पनि यही नियम लागू हुँदैछ। काठमाडौँका सडकको अवस्था अहिले के छ त? एउटा भिडियो हेर्नुस्-