फेरि मृत्युको खबर – कञ्चनपुरमा भारतीय सुरक्षाकर्मीको गोलीले नेपालीको मृत्यु

सोमबार सप्तरीमा सुरक्षाकर्मीको गोलीले चार जनाको मृत्यु भएको खबर आयो। यो नेपालीको गोलीले नेपाली मृत्यु भएको खबर थियो। यो घटनाले राष्ट्रिय राजनीति तातिएकै थियो, आज फेरि कञ्चनपुरको सीमामा भारतीय सुरक्षाकर्मीको गोली लागेर एक नेपाली नागरिकको मृत्यु भएको खबर आयो।

ज्यान गुमाउने व्यक्ति थिए- २५ वर्षका गणेश गौतम। घाइते भएर उपचारका लागि लैजाँदा लैजाँदै बिचराले प्राण त्याग्नु परेछ। उता भारतले भने एसएसबीले गोली चलाएको हैन भनेर सफेद झुट बोलेछ। नेपाल सरकारले भने एसएसबीले नै गोली चलाएको विज्ञप्ति निकालेर भनेको छ।

भएको के थियो?
कञ्चनपुर जिल्लाको पुनर्वास नगरपालिका वडा नम्बर ८ आनन्दबजार नजिक नेपाल भारत सीमानामा दुई देशका स्थानीय अधिकारीहरुबीच गएको फागुन १० गते सहमति भएको थियो। त्यही सहमति अनुसार नगरपालिकाले कच्ची कलभर्ट बनाएको थियो।

तर त्यो कलभर्टलाई हिजो फागुन २५ गते भारतीयहरुले भत्काइदिएछन्। त्यसको विरोधमा स्थानीय व्यक्ति स्वस्फूर्त भेला भएका रहेछन्। नेपाली र भारतीयबीच विवाद भइरहेको बेला एक्कासी भारतीय सशस्त्र सीमा बल एसएसबीले फायर गरेछ।

हेर्नुस् गोली चल्दाको भिडियो। यहाँ क्लिक गर्नुस्।

गृह मन्त्रालयले जारी गरेको विज्ञप्तिमा भारतीय सुरक्षाकर्मीले गोली प्रहार गर्दा निर्दोष नेपालीको मृत्यु भएको घटना अत्यन्त दुःखदायी र निन्दनीय छ भनेको छ। नेपाल सरकार स्तब्ध भएको पनि विज्ञप्तिमा उल्लेख छ। कुटनीतिक तवरबाट सबै समस्याको समाधान खोज्नका लागि नेपाल सरकार प्रतिवद्ध रहेको जानकारी विज्ञप्तिमा गराइएको छ।

भारतले भने यसरी झुटो बोलेको छ-

के भन्छ अरु दल?