जेएनयु विवादले तातिएको भारत

भारत अहिले जेएनयु विवादले तातिएको छ। छिमेकी देशको राजधानी भ्रमणको क्रममा हिजो बाह्रखम्बा रोडस्थित नेपाली दूतावास जान खोज्छु त प्रहरी र प्रदर्शनकारीको भिड पो देखियो। लौ न हाम्रै दूतावासबाहिर यस्तो? के भएछ ! हाम्रो लैनचौर दूतावास वरपर त कयौँ मिटरसम्म प्रदर्शन गर्नै दिइन्न। यता के पारा हो भनेर अघि बढेर हेरेको त दूतावासको गेटै बाहिरको सडकमा प्रदर्शनकारीको भिड थियो। उनीहरु जवाहरलाल नेहरु युनिभर्सिटीका एक विद्यार्थी नेतालाई पक्रेर राज्यद्रोहको अभियोग लगाएको विरोध गर्दै थिए।

दिल्ली प्रहरी घेरा हालेर तम्तयार बसेको थियो। ब्यानर र प्लेकार्डहरुसहित प्रदर्शनकारीहरु घाँटी सुक्ने गरी नारा लगाउँदै थिए- ‘आ…वाज दो, हम ए…क हैँ’

घोक्रो सुकाउँदै नारा लगाइरहेका प्रदर्शनकारीहरुलाई ब्याकग्राउन्डमा राख्दै टेलिभिजन संवाददाताहरु ‘पिटिसी’ दिनमा व्यस्त थिए। केही प्रदर्शनकारीहरु ‘कोट’ दिनमा व्यस्त थिए। नेपाली दूतावासका कर्मचारीहरु भने बेग्लै चिन्तामा थिए। भोलि पनि यस्तै प्रदर्शन भयो भने प्रधानमन्त्री ओलीलाई अप्ठेरो पो हुने भो त। दूतावासका कर्मचारीहरुको चिन्ता सुनेर विदेश मन्त्रालयको प्रेस ब्रिफिङमा लागेको केही समयमै खबर आयो, दूतावास नजिकै झडप पो भएछ। प्रहरीले लाठिचार्ज गर्नुपर्‍यो। कम्युनिस्ट पार्टीको भ्रातृ संगठन अल इन्डिया स्टुडेन्ट्स फेडेरेसन र अखिल भारतीय विद्यार्थी परिषद्का विद्यार्थीहरु जेएनयु विद्यार्थी युनियनका सभापति कन्हैया कुमारको गिरफ्तारीको विरोधमा निकालेको जुलुस नेपाली दूतावासबाहिर बाह्रखम्बा रोड नजिकै रहेको भारतीय जनता पार्टीनजिकै पुगेर पार्टी विरोधी नारा लगाउने बित्तिकै झडप सुरु भएको थियो। प्रहरीले स्थितिलाई नियन्त्रणमा लिन लाठीचार्ज गर्नुपरेको बतायो।

केही फोटो खिच्न भ्याएँ। कति नेपालको आन्दोलनका मात्र फोटो हेर्नुहुन्छ, हेर्नुस् छिमेकी देशको आन्दोलनका फोटोहरु
https://www.youtube.com/watch?v=cy9U-ojaEbo

यो हो नेपाली दूतावास