गोलीकान्डमा भारतीय दूतावासले हामीलाई यसरी पो मूर्ख बनाएको रैछ

सुनसरीको हरिपुर गाविसमा नेपाली भूमिमा आएर भारतीय एसएसबीले नेपालीहरुलाई गोली ठोकेको विषयमा आज नेपालले औपचारिक रुपमा मुख खोलेको छ। परराष्ट्र मन्त्रालयले आज विज्ञप्ति जारी गर्दै घटना नेपाल भारत सीमाभन्दा १०० मिटर नेपालको भूभागभित्र भएको बताएको छ। नेपाली भूमिमा छिरेर निहत्था नेपाली नागरिकलाई गोली हानिएकोमा गम्भीर चासो देखाउँदै घटनाबारे छानबिन गर्न र दोषीलाई कारबाही गर्न भारतीय दूतावासमार्फत् भारत सरकारलाई आग्रह गरेको छ।

दुई वटै विज्ञप्ति हेर्दा चलाख भारतीय दूतावासले हामीलाई मूर्ख बनाएको प्रष्ट हुन्छ। कसरी ? ल पढ्नुस् खासमा के चलाखी गरेको छ दूतावासले।

यो पढ्नुस् भारतीय दूतावासको विज्ञप्ति-

अनि यो हेर्नुस् नेपालको विज्ञप्ति-

दुई वटै विज्ञप्तिलाई ध्यान दिएर हेर्नुस् त-

भारतले घटना बिहान ५ बजेर २० मिनेटमा भएको भनेको छ। नेपालको विज्ञप्तिमा नेपाली भूमिमा गोली हानेको घटना बिहान ६ बजेर २० मिनेटमा भएको हो।

भारतले आफ्नो विज्ञप्ति सही हो भनेर अड्डी लिन मिल्ने किन पनि ठाउँ छाडेको छ भने भारतीय भूमिमा तस्करसँग मुठभेड भएको घटना त बिहान ५ बजेर २० मिनेटको हो। त्यतिबेला भारतीय एसएसबीले गोली हानेकोमा कोही नेपाली नागरिक घाइते नभएको हो। त्यतिबेला एसएसबी भारतीय भूमिमै थियो।

भारतीय भूमिबाट नेपाली भूमि छिरेर गोली हान्दा चाहिँ बिहान ६ बजेर २० मिनेट भएको थियो होला। भारतीय दूतावासको कूतर्क हामीले जारी गरेको विज्ञप्ति त बिहान ५ बजेर २० मिनेटको घटनाको पो हो त भन्ने नै हुन्छ होला। नत्र एउटै घटनामा एक घण्टाको फरक किन आयो त? नेपाल र भारतबीच समयको अन्तर त १५ मिनेटको पो हो त। कि कसो?

बाँकी नेपाली भूमिमै आएर गोली चलाएको हो भन्ने कुरा त इन्सासबाट चलाएको गोलीको खोका हरिपुर ७ स्थित बिन्दुला देवी यादवको घर नजिक घटनास्थलमा फेला परेकोबाटै पुष्टि भइहाल्यो नि। फोटो एभिन्युज टिभी संवाददाता सचिन पोखरेलबाट-