डेभिड दाइको नेपाल यात्रा

स्टार फुटबल खेलाडी डेभिड बेकह्याम नेपालमा फुटबल खेल्न आउने भन्ने समाचार केही अघि आउँदा सोचेको थिएँ हाम्रा प्रधानमन्त्री र नेताहरुले अस्ति नै खेलेको च्यारिटी म्याच जस्तो रंगशालामा कुनै गेम खेल्ने होला। आज डेभिड दाइ नेपाल आउँदा पो थाहा पाइयो, त्यस्तो होइन भक्तपुरको न्यातपोल मन्दिर अगाडि जिन्स प्यान्ट लगाएर फुटबल खेलेको जस्तो पो गर्ने रहेछन्। सात महादेशमा सात वटा यस्तै खेल खेल्ने रहेछन् युनिसेफ र बालबालिकाको सहयोगका लागि। यसका लागि एसियाली देश उनले नेपाल छानेका रहेछन्। बिबिसीको डकुमेन्ट्री टिमसहित आएका उनले सफा टेम्पु हाँकेको पनि गजबै रह्यो। भूकम्पप्रभावित बस्ने शिविरमा पनि उनी गए। उनलाई हजारौँ प्रशंसकहरुले स्वागत गरे। उनको स्वागतका लागि लाम लागेका प्रशंसकमध्ये एकले भनेका थिए- डेभिड दाइ, यता हेर्नु न। हेरौँ अंगद ढकालले खिचेका केही फोटोहरु