संविधान सभा अध्यक्ष सुवास नेम्वाङले संविधान निर्माणलाई बहुमतीय हिसाबले लाने प्रक्रियामा प्रवेश गर्न ढोका खोल्ने एउटा प्रस्ताव विपक्षीको विरोधका कारण सत्तारुढ दलले राख्न नसकेपछि आफ्नै टेबलबाट राखेर पास गराएपछि उनको कदम ठीक हो कि होइन भन्नेमा देशैभर विचार बाझिएको छ। नेताका पुत्ला जल्थे तर पहिलो पटक तटस्थ भूमिकामा रहनु पर्ने व्यक्तिको पुत्ला जलाएर विरोध भयो।
विपक्षीहरु हिजो यही अवस्थामा प्रक्रियामा जाउँ त्यहाँ हुने भोटिङ अनुसार निर्णय गरौँ भन्दा एउटा बैठक समेत उनले बोलाउन नमानेको भन्दै यो कदमको विरोध गरिरहेका छन् भने सत्तापक्षीयहरु सँधै त्यही भनेर अडकिएर कहाँ हुन्छ, अहिले हाम्रो दुई तिहाई बहुमत छ भन्छन्। हुनत अहिलेको स्थिति आफूलाई ठीक लागेको कुराको तर्कमात्र ठीक लाग्ने, अरुको राम्रै तर्क भए पनि त्यो बेठीकै लाग्ने छ। तर पनि तपाईँको यसबारे धारणा के छ ? यो स्थितिमा संविधान बन्ने संभावना तपाईँ कतिको देख्नुहुन्छ ? अब तपाईँको पालो, आफ्नो विचार तल कमेन्टमा राख्नुस्।
नेम्वाङ कानुन व्यवसायी थिए। त्यसैले उनी नियम र प्रक्रियाको कुरा निकै गर्छन्। अघिल्लो संविधान सभाको एउटा बैठकमा उनले प्रक्रियाको विषयमा यसरी बोलेको निकै चर्चित भएको थियो। सुन्नुस् अडियो-