अहिले म रसुवाको सदरमुकाम धुन्चेमा छु। पहिलो पटक यहाँ आएको हुँ। त्यसैले रमाइलो लागिरहेको छ। अपराह्नतिर यहाँ आइपुगेका थियौँ। आजै यहाँ अञ्चलस्तरीय महिला भलिबल प्रतियोगिता पनि भइरहेको रहेछ। त्यहीँ खिचेका केही फोटोसहितको यो फोटो ब्लग।
शुक्रबार राति अबेर सुतेर शनिबार विदाको दिन अबेर उठ्नु मेरो दिनचर्या हुन्थ्यो। तर असार १ गतेको शुक्रबार राति अबेर सुते पनि शनिबार भने एकाबिहानै उठ्नु पर्यो। अर्लाम लगाउनु परेन, शरीरभित्रैको जैविक अर्लामले बिहान पाँचै बजे उठाइदियो।
मेरो यात्राको तयारी सँधै हतारमा हुन्छ। केही सामान छुट्यो कि छुट्यो कि भन्ने लाग्दालाग्दै हतारहतारमा सामान प्याक गरी हिँडियो कलंकी। त्यहाँ साथी उत्तमलाई भेटेपछि लागियो बालाजु माछापोखरी। हाम्रो यात्राका अर्का सहयात्री अच्युतलाई त्यहाँ भेट्नु थियो। जडिबुटीको अनुसन्धान गर्न हिँडेको यो टोलीसँग म मिसिनुको कारण