फागु पूर्णिमा (होली) नेपालमा क्षेत्र अनुसार फरक फरक समयमा मनाउने गरिन्छ। सरकारले हिमाली तथा पहाडी जिल्लामा होली मनाउन बिहीबार र तराई मधेशका जिल्लाहरुमा होली मनाउन शुक्रबार विदा दिएको थियो। यति कुरा त सबैलाई थाहा भएकै हो। तर आज भएभरका मिडिया एकसाथ चितवनका नाममा चिप्लिएको देख्दा अनौठो लाग्यो। चितवनमा सरकारले हिजै विदा दिएको थियो। तर मिडियाले भने आज विदा दिएछ।
सबैभन्दा पहिला नेपाल सरकारले कुन जिल्लामा कहिले विदा दिएको भन्ने जान्न नेपाल राजपत्रमा २०८० माघ २९ गते प्रकाशित गृह मन्त्रालयको सूचना हेरौँ। त्यसमा स्पष्ट लेखिएको छ-
नक्सामा हेर्दा
तर, मिडियाका समाचारमा भने चितवनमा पनि शुक्रबार विदा भएको आयो।
गोरखापत्रमा। अर्काइभ लिङ्क।
नेपाल टेलिभिजनमा। अर्काइभ लिङ्क
नागरिकन्युजमा। अर्काइभ लिङ्क
त्यसैगरी बाह्रखरी, रातोपाटी लगायतका मिडियामा पनि यही समाचार छ।
चितवनमा समुदाय अनुसार हिजो र आज दुवै दिन मनाउनेले होली मनाए होलान्। तर सरकारले सार्वजनिक विदा भने चितवनका लागि आज अर्थात् शुक्रबार दिएको होइन, बिहीबार नै हो।
सब मिडिया चिप्लनुका पछाडि भने राष्ट्रिय समाचार समिति (रासस)को हात छ। यो सरकारी न्युज एजेन्सीले आफ्ना ग्राहकलाई पठाएको समाचार जस्ताको तस्तै हाल्दा चितवनको विषयमा सबै चिप्लिएछन्।
अधिकांश मिडियाले राससलाई क्रेडिट दिएका कारण दोष जति राससको थाप्लोमा हाल्न पाए पनि उकालोले भने आफैले लेखेको समाचार जस्तो गरी समाचार राखेको छ। तर पनि बिचरा चिप्लन चाहिँ चितवनमा नै चिप्लिएको छ 🙂 अर्काइभ लिङ्क
