अर्को गठबन्धनबाट प्रचण्ड प्रधानमन्त्री, यस्तो बन्यो नयाँ सत्ता गठबन्धन

राष्ट्रपति विद्यादेवी भण्डारीले माओवादी अध्यक्ष पुष्पकमल दाहाल ‘प्रचण्ड’ लाई आइतबार साँझ प्रधानमन्त्री नियुक्त गरेकी छिन्। सत्ता गठबन्धनबाट आलोपालोमा पहिलो पटक प्रधानमन्त्री दिन देउवाले आनाकानी गरेपछि बालकोट पुगेर एमालेसित नयाँ गठबन्धन बनाएका हुन्। नयाँ सत्ता गठबन्धनमा सात पार्टी रहेको छ। सबैभन्दा ठूलो पार्टी एमाले रहेको छ। तेस्रो पार्टी माओवादीले नेतृत्व पाएको छ। यस्तो हुनेछ अबको सत्ता गठबन्धन र प्रतिपक्ष-

आलोपालोमा पहिलो पटक प्रधानमन्त्री र राष्ट्रपति दिन नमान्दा कांग्रेस अब प्रतिपक्षमा खुम्चिने भएको छ। अरु संवैधानिक पद र प्रदेशहरुको सरकार पनि कांग्रेसले गुमाउने भएको छ।

अहिलेको एमाले माओवादी सहमतिमा के के भएको छ खासै कुरा बाहिर आएको छैन। तर राष्ट्रपति एमालेले पाउने र साढे दुई वर्षपछि एमालेले प्रधानमन्त्री पाउने भन्ने खबर बाहिर आएका छन्।

अरु पदहरुबारे थप सहमतिहरु हुन बाँकी छ।

नयाँ चुनावमा कसैको बहुमत नआएपछि यो पहिलो सरकार यसरी बनेको छ। हेर्दै जाउँ अब बाँकीका वर्षहरुमा के केसम्म हुने हो वा कति वटासम्म सरकार बन्ने हो। बल्ल त खेल सुरु भएको छ। हामी त हेरेको हेर्‍यै त हो 🙂