के सत्तारुढ गठबन्धनको बहुमत पुग्छ? एमाले गठबन्धनको बहुमत सम्भव छ? यस्तो छ हिसाब

१३५ सिटको परिणााम आइसक्दा र समानुपातिकतर्फ पनि आधा मत गनिसक्दा सिन अलि क्लियर हुन थालेको छ। सत्तारुढ गठबन्धनको बहुमत पुग्छ कि एमाले गठबन्धनको? अब अनुमान लगाउन अलि सहज भएको छ।

२७५ सिटको प्रतिनिधि सभामा प्रत्यक्षतर्फ देशभरबाट १६५ जना निर्वाचित हुन्छन् भने देशभर पार्टीले पाएको सिटका आधारमा धेरै मत ल्याउने दलहरुले ११० सिट जित्छन्। सरकार बनाउन चाहिने बहुमत १३८ हो। शुक्रबार राति १० बजेसम्मको प्रत्यक्षतर्फको जित र अग्रता अनि लगभग आधा गणना भइसकेको समानुपातिकतर्फको मतगणना अनुसार पाउने सिट सम्भावनाको हिसाब गर्दा सत्तारुढ गठबन्धन बहुमतको लगभग नजिक पुगेको देखिन्छ।

हेर्नुस् चार्टहरु

तलको चार्टमा देखिएका प्रत्येक गोलोको आकारले उनीहरुको सिट संख्या देखाउँछ। हरेक दलको नाममा क्लिक गर्नुभयो भने थप विवरण आउँछ।

नेपाली कांग्रेस नेतृत्वको सत्तारुढ गठबन्धनमा माओवादी, नेकपा एस, लोसपा र राष्ट्रिय जनमोर्चा छन्। एमाले नेतृत्वको विपक्षी गठबन्धनमा भने जसपा र राप्रपा छ। बिना गठबन्धन चुनाव लड्नेमा राष्ट्रिय स्वतन्त्र पार्टी, जनमत पार्टी, नागरिक उन्मुक्ति पार्टी र नेमकिपा छन्।

अहिलेको अवस्था हेर्दा बिना गठबन्धन लडेका पार्टीहरु विपक्षी गठबन्धनमा आए सत्तारुढ र विपक्षी गठबन्धनको लगभग उस्तै संख्या पुग्ने देखिन्छ। प्रत्यक्षमा तीन स्थानको मतगणना हुन बाँकी नै छ।