केही दिनदेखि फेसबुकमा एउटा फोटो धेरैले सेयर गरिरहेको देखेको छु। फोटोमा जस्तापाताले बेरेको एउटा टहरा जस्तो देखिन्छ। त्यसमा राखिएको साइनबोर्डमा लेखिएको छ- जिल्ला अस्पताल बाजुरा शल्यक्रिया कक्ष। मुनि अङ्ग्रेजीमा अपरेसन थियटर पनि लेखिएको छ। एउटा कुखुरा पनि नजिकै देखिन्छ।
दुर्गम क्षेत्रको अस्पतालको अवस्था दर्शाएको भन्दै धेरैले सामाजिक सञ्जालमा यसलाई राखेर भाइरल बनाएका छन्।
के यो अस्पतालको शल्यक्रिया कक्ष वास्तवमै त्यस्तै छ त? यसबारे फ्याक्ट चेक गर्न हिजोदेखि लागिरहेको थिएँ। विभिन्न स्रोतहरुबाट खोजिरहेको थिएँ। संयोगले केही अघि आफैले फ्याक्ट चेकिङको ट्रेनिङ दिएका एक सहभागी साथी बाजुरामा हुनु