कोरोना भाइरसको नयाँ भेरियन्ट ओमिक्रोनको संक्रमणबाट बच्नका लागि नेपालले गरेका र गर्न खोजेका उपायहरु कतिसम्म अपरिपक्व र तयारी बिनाका हुन्छन् भन्ने उदाहरण आज देखिएको छ। हिजो शुक्रबार बेलुका अध्यागमन विभागले एउटा सूचना जारी गर्दै ६७ वटा देशबाट नेपाल भित्रिनेले ७ दिन आफ्नै खर्चमा होटलमा र त्यसपछि पीसीआर परीक्षण नेगेटिभ आएमा थप ७ दिन घरमा क्वारेन्टिन बस्नुपर्ने आदेश जारी गरेको थियो। तर २४ घण्टा पनि नबित्दै शनिबार बिहान अर्को सूचना जारी गर्दै त्यो आदेश खारेज भएको छ। हुनत भन्नलाई त्यो आदेश ‘अर्को सूचना नभएसम्मका लागि स्थगित’ भनिएको छ।
हिजो जारी गरिएको त्यो सूचना आफैमा अस्पष्ट थियो। त्यो आदेश कहिलेदेखि लागू गरिने भन्ने नै स्पष्ट थिएन। सूचनामा मंसिर १३ को मन्त्रिपरिषद्को हवाला दिइएको थियो, सूचना भने पुस २ गतेको थियो।
तयारी बिना जारी गरिएको आदेश अन्ततः २४ घण्टा नबित्दै हटेछ।
अपडेट : अध्यागमन विभागका प्रवक्ता झङ्कनाथ ढकालका अनुसार ६७ देशको लिस्टमा एउटा मात्र ओमिक्रोन पोजिटिभ भेटिएका देश पनि रहेकोले हाललाई सूचना स्थगित गरिएको हो। भोलि विदा हो, पर्सितिर अर्को सूचना जारी हुनसक्छ। होटल क्वारेन्टिनको व्यवस्था अहिलेलाई स्थगित भएको हो, हटेको हैन।
अब पुरानो आदेश भने कायम रहने भनिएको छ। यस्तो छ पुरानो आदेशमा-
It only shows although Oli is gone but lethargic mess and immaturity in policy decision making and running administration practiced during Oli’s 3 and half years are well sustained. Bidambana!!
हैट, Other notices “relted” पो अरे, प्रुफरीडर राख्नु पर्छ विभागले अंग्रेजी राम्रो आउदैन भने।
क्वारेण्टिनमा जबर्जस्ती बसाउन खोजेका होटेलमालिकहरुको खुशियाली फेरी २४ घण्टा नबित्दै बितेछ त।