नेपाली कांग्रेसको १४ औँ महाधिवेशनले फेरि शेरबहादुर देउवालाई नै सभापति चुन्ने लगभग निश्चित भइसकेको छ। यो ब्लग तयार पार्दासम्म मतगणना भइसकेको छैन। तर दोस्रो चरणको निर्वाचन हुनुअघि नै देउवाले माहौल आफ्नो पक्षमा पारिसकेका छन्।
नेकपा नटुक्रिएको भए शायद् यस्तो अवस्था नआउन पनि सक्थ्यो। पार्टीको लज्जास्पद पराजयको कुरा उठ्थ्यो र नयाँ नेतृत्वका लागि आवाज झन् चर्को हुनसक्थ्यो। तर भाग्यमानीको भूतै कमारो ! आन्तरिक विवादका कारण नेकपा तीन टुक्रा भइदियो। अनि सत्ताको नेतृत्व फेरि एक पटक देउवाकै हातमा आइलाग्यो जुन पछिल्लो निर्वाचन परिणामपछि शायदै कसैले सोचेका थिए।
देउवालाई यस पटक गाह्रो हुने छाँट देखिन्थ्यो। तर संस्था