प्रधानमन्त्री शेरबहादुर देउवा संसदबाट विश्वासको मत पाउन सफल भएका छन्। विश्वासको मतका लागि आज भएको मतदानमा उनको पक्षमा १६५ मत र विपक्षमा ८३ मत र तटस्थमा १ मत परेको थियो। नेपालमा राजनीति बुझ्ने र धेरै बुझ्नेहरु प्रशस्त छन्। तर केही भने खासै धेरै राजनीति बुझ्दैनन्। उनीहरुका लागि बुझ्न सजिलो बनाउने यो ब्लग-
यो विश्वासको मत भनेको चाहिँ के हो?
देशभरका मतदाताले प्रतिनिधि सभा सदस्य चुन्छन्, उनीहरुलाई सांसद पनि भनिन्छ। तिनै सांसदहरुले प्रधानमन्त्री चुन्छन्। विश्वासको मत भनेको ‘तपाईँ प्रधानमन्त्री भएर सरकार चलाउनुस्, हाम्रो विश्वास छ’ भनेको हो। प्रतिनिधि सभामा जसले सबैभन्दा बढी सदस्यको विश्वासको मत अर्थात् बहुमत पाउँछ, उही प्रधानमन्त्री हुने गर्छ।