अपडेट : सहमति भन्दै गरिएको प्रचार वास्तवमा प्रस्ताव मात्रै भएको, सहमति भइनसकेको भनेर माधव नेपालले नै मिडियालाई बताइसकेपछि खुल्यो। सहमतिको प्रस्तावलाई नै सहमति भइसकेको जस्तो गरी प्रचार गरेर जे होस् सर्वोच्चको फैसला आउनुअघि एक किसिमको मनोवैज्ञानिक माहौल तयार पार्ने काममा सफलता चाहिँ पाए उनीहरुले।
सुवास नेम्वाङले आइतबार बिहान ८ बजे आउँछ भनेको ‘सुखद खबर’ राति अबेला बल्ल आयो। उतिबेला दलहरु बीच संविधान र सरकार बनाउन थुप्रै पटक थुप्रै बूँदे सहमति हुन्थे। संविधान बनिसकेपछि भने अब दलभित्रैका नेताहरु बीच सहमति हुने बेला आएछ। केपी ओली र माधव-झलनाथ समूहबीच १० बूँदे सहमति भएको छ। मेरो गोरुको बाह्रै टका गरिरहेका दुवै समूह एक एक कदम पछि हटेपछि सहमति भएको हो। सर्वोच्च अदालतले प्रतिनिधि सभा विघटनसम्बन्धी फैसला गर्न लागेको बेला सहमति भएको छ। हेर्दाहेर्दैमा रहेको यो मुद्दामा असार २८ गतेको पेशी तोकिएको छ। १० बूँदे सहमति भए पछि सर्वोच्चको फैसलापछिको अ