कोरोना संक्रमित भएको/नभएको पुष्टि गर्ने काम देशभरमा भएका २७ वटा ल्याबले पीसीआर परीक्षणबाट गर्ने गर्छन्। तर आज त्यसमा एउटा नयाँ ल्याब पनि थपियो जस्तो छ- हिमालखबरको न्युजरुम ल्याब!
हिमालखबरले आज २०७७ साउन ४ गते ‘काठमाडौंमा सात जना सहित १५६ संक्रमित थपिए’ शीर्षकको समाचार राखेको छ। समाचारमा लेखिएको छ, ‘राजधानी उपत्यकाको काठमाडौंमा सात र ललितपुरमा दुई जना सहित देशभर १५६ जना संक्रमित थपिएका छन्।’ तर स्वास्थ्य तथा जनसंख्या मन्त्रालयले आयोजना गरेको मिडिया ब्रिफिङमा भने प्रवक्ता डा. जागेश्वर गौतमले त्यस्तो जानकारी दिएका थिएनन्।
उनले शुक्रराज ट्रपिकल तथा सरुवा रोग अस्पतालमा काठमाडौँमा १ जना, ललितपुरका २ जना र मोरङका १ जना कोभिड १९ पोजिटिभ भएको बताएका थिए।
मिडिया ब्रिफिङमा देशभरका अन्य २६ ल्याबमध्ये अरु कुनै पनिमा काठमाडौँका पोजिटिभ भेटिएको बताएका थिएनन्।
त्यसो भए हिमालखबरले एक जनाको ठाउँमा सात जना कसरी लेख्यो त काठमाडौँमा ? पक्कै पनि बाँकी ६ जना (मान्छेलाई त दर्जन भनेर सामान जस्तो गन्न भएन, सामान हुन्थ्यो भने आधा आधा दर्जन संख्या) थप कसरी भयो त ?
यसमा हिमालखबरको आफ्नै न्युजरुम ल्याबले ती ६ जना कोभिड-१९ पोजिटिभ पुष्टि गरेर समाचार लेखेको भनेर मान्नुपर्ने स्थिति आएन त? कि कसो? त्यो सम्भव छैन भने हिमालखबरले फेक न्युज छापेको हो।
यस्तो छ समाचार-
अर्काइभ लिङ्क