जेठ १५ गणतन्त्र दिवस, बजेट आउने दिन। यही दिन नेपालमा कोरोना संक्रमितको संख्या चार अङ्क छोयो। यही दिन आजसम्मकै सबैभन्दा बढी २४ घण्टामै १५६ जना संक्रमित पुष्टि भएको घोषणा भयो। अनि यही दिन कोरोना संक्रमित मृत्यु हुनेको संख्या ५ पुग्यो।
कोरोनाको रफ्तारको दृश्य तपाईँ माथिको चार्टमा पनि देख्न सक्नुहुन्छ। पहिलो केसबाट १०० पुग्न १०६ दिन लागेको थियो भने त्यसबाट १० गुणा बढेर १००० पुग्न २० दिनमात्र लाग्यो।
यो बढ्नुको कारण परीक्षणको संख्या बढ्नु पनि हो। नेपालमा पहिलो केस पोजिटिभ हुँदा नेपालमा ल्याबै थिएन। हङकङको ल्याबमा पुष्टि गर्न पठाउनु परेको थियो। अहिले देशभर २० वटा ल्याबमा कोरोना परीक्षण हुन्छ।
कोरोना संक्रमितको संख्या १०० पुग्दासम्म पीसीआर विधिबाट परीक्षण दिनमा ४१५ वटा मात्र भइरहेको थियो भने विगत २४ घण्टामा मात्र २ हजार ६ सय वटा भयो। त्यसैले निश्चय पनि परीक्षणको संख्या बढेसँगै पोजिटिभ संख्या पनि बढ्न