गएको जेठ ५ गते सरकारले नेपालको अद्यावधिक नक्शा स्वीकृत गरेपछि अहिले यो नक्शाबारे चासो बढेको छ। शीर्ष नेताहरुलाई भूमि सुधार मन्त्रीले घर घरमा गएर नक्शा बाँडिरहेको फोटो सार्वजनिक भएको छ। नयाँ नक्शा आफ्नो घरमा राख्न मानिसहरु आतुर छन्। तर त्यसो भन्दैमा यही हो मौका भन्दै नयाँ नक्शा छाप्ने वा बेच्ने काम नगर्नुस् है, कारबाहीमा परिएला। नापी विभागले आफ्नो स्वीकृति बिना नक्शा छापे वा बिक्री वितरण गरे कानुन बमोजिम कारबाही गर्ने चेतावनी दिएको छ।
नापी विभागले नक्शाको छपाई भइरहेको र छिट्टै सर्वसुलभ वितरणमा ल्याइने बताएको छ।
त्यसैगरी स्रोत नखुलेको, नक्शाको आधारभूत विषय प्रयोग नभएको र प्रशासनिक तथा राजनीतिक सीमा समेत नमिलेका नक्सा सामाजिक सञ्जाल एवं विभिन्न सञ्चार माध्यमहरुमा प्रयोग भई जनमानसमा भ्रम सिर्जना भएको देखिएकोले यस प्रकारका नक्शा सामाजिक सञ्जाल तथा सञ्चारमाध्यमहरुमा प्रयोग नगर्न पनि विभागले अनुरोध गरेको छ।
नेपालको नक्शा नापी विभागको वेबसाइटबाट प्राप्त गर्न यहाँ क्लिक गर्नुस्।
नेपालको नक्सा (राजनीतिक तथा प्रशासनिक)को Shapefile (GIS Data) प्राप्त गर्न यहाँ क्लिक गर्नुस्।