Skip to content

MySansar

A Nepali blog running since 2005. Seen by many as an antidote to mainstream media

Menu
  • Home
  • माइसंसारलाई पठाउनुस्
  • ट्विटर @salokya
  • मिडिया
  • Fact check
  • Useful Link
  • Donate
  • #WhoKilledNirmala
Menu

थप एउटा नयाँ जिल्ला झापामा भेटिएसँगै ११ जिल्लामा कोरोना, ६६ जिल्ला ‘ग्रीन जोन’मा

Posted on April 24, 2020April 24, 2020 by Salokya


शुक्रबार थप एउटा नयाँ जिल्लामा कोरोना संक्रमित भेटिएको छ। यसअघि बिहीबार नयाँ दुई ठाउँमा कोरोना संक्रमित भेटिएका थिए। आज बी.पी. कोइराला स्वास्थ्य विज्ञान प्रतिष्ठानको प्रयोगशालामा भएको परीक्षण अनुसार झापा निवासी ६२ वर्षका पुरुषको कोभिड १९ परीक्षण पोजिटिभ भेटिएको हो। योसँगै कोरोना भेटिएका जिल्लाको संख्या ११ पुगेको छ। अझै ६६ जिल्ला ग्रिन जोनमा छन्। अर्थात् त्यहाँ अहिलेसम्म कोरोना संक्रमित भेटिएका छैनन्।

अहिलेसम्म कैलाली, कन्चनपुर, काठमाडौँ, चितवन, पर्सा,रौतहट, धनुषा, बाग्लुङ, उदयपुर, भोजपुर र झापामा कोरोना भेटिएको छ।

प्रदेशगत हिसाबले सबैभन्दा बढी संक्रमित संख्या प्रदेश १ मा छ। यो प्रदेशको उदयपुर, भोजपुर र झापा गरी तीन जिल्लामा संक्रमण भेटिएको छ।

प्रदेश २ मा पनि पर्सा, रौतहट र धनुषा गरी तीन जिल्लामा संक्रमण फैलिएको छ।

प्रदेश ३ को काठमाडौँ र चितवनमा कोरोना संक्रमित भेटिएका छन्। सुदूरपश्चिम प्रदेशमा भने कैलाली र कञ्चनपुरमा संक्रमण भेटिएको छ।

काठमाडौँको सनसिटी अपार्टमेन्टमा पोजिटिभ भेटिएका आमा-छोरा हिजो डिस्चार्ज भएसँगै काठमाडौँमा ‘एक्टिभ’ केस सकिएको छ। अब प्रदेश ३ मा चितवनमा मात्र दुई वटा ‘एक्टिभ’ केस छ।

त्यसैगरी हिजै कैलालीकी ५० वर्षीया महिला पनि निको भएर घर फर्केपछि सुदूरपश्चिममा पनि अब एउटा मात्र ‘एक्टिभ’ केस छ।

प्रदेशगत रुपमा प्रदेश ५ र कर्णाली प्रदेश अहिलेसम्म ग्रीन जोनमा छन्।

हालसम्म निको हुनेको संख्या १० पुगेको छ।

लकडाउनको म्याद वैशाख १५ गते सकिँदै गर्दा कोरोना संक्रमितको संख्या ४९ पुगेको हो। लकडाउन थपिने, नथपिने वा स्वरुप परिवर्तन गर्ने बारे केही निर्णय भएको छैन। निर्णय गर्नेहरु राजनीतिक खिचातानीमा व्यस्त भएकोले कोरोना भाइरसलाई समेत दिक्क लागेको हुनुपर्छ।

1 thought on “थप एउटा नयाँ जिल्ला झापामा भेटिएसँगै ११ जिल्लामा कोरोना, ६६ जिल्ला ‘ग्रीन जोन’मा”

  1. नेपाली हृदय says:
    April 25, 2020 at 6:47 am

    थप एक नयाँ संक्रमित झापा जिल्लामा भेटिएसँगै……….. भनेर पो शीर्षकमा लेख्ने हो की ? “थप एउटा नयाँ जिल्ला झापामा भेटिएसँगै“ बाट त उहि हाम्रो भिषा नाचाहिने “लाबण्य देश” को जिल्ला एता सापटी ल्याउनुभो कि झापामा नयाँ भनि मिसाउन भनेर भनेजसो लागेर नि …… हल्का रमाइलो ?

    Reply

Leave a Reply Cancel reply

Your email address will not be published. Required fields are marked *

माइसंसारलाई सहयोग गर्नुस्

माइसंसार पाठकहरुलाई स्वेच्छिक सहयोगको आह्वान गर्छ। तपाईँ इसेवामार्फत् वा तलको क्युआर कोडमार्फत् सहयोग गर्न सक्नुहुन्छ। विस्तृत यसमा पढ्नुस्।

Links

  • गृहपृष्ठ (Home)
  • मेरो बारेमा (About me)
  • पुरानो ब्लग (Archives)
  • माइसंसार इमेल

यो साइटमा भएका सामाग्रीहरु व्यवसायिक प्रयोजनका लागि कुनै पनि हिसाबले टेक्स्ट, फोटो, अडियो वा भिडियोका रुपमा पुनर्उत्पादन गर्न स्वीकृति लिनुपर्नेछ। स्वीकृतिका लागि [email protected] मा इमेल गर्नुहोला।
© 2023 MySansar | Powered by Superbs Personal Blog theme