२०७७ वैशाख ८ गते जारी भएका दुई अध्यादेश वैशाख १२ गते खारेज भएका छन्। राष्ट्रपति कार्यालयबाट चार दिनको अन्तरालमा जारी भएका यी दुई वटा विज्ञप्तिले देखाउँछ, हाम्रा प्रधानमन्त्री कोरोनाको कहरका बीच के कुरालाई प्राथमिकता दिइरहेका छन्? वैशाख ८ गते जसरी द्रुत गतिमा काम गरेर रातारात राष्ट्रपतिबाट प्रमाणीकरण गरी राजपत्रमा प्रकाशनसमेत गरी यी अध्यादेश लागू गरियो, उस्तै गरी १२ गते खारेज पनि गरियो। किन ल्याएको र किन खारेज गरेको भन्ने समेत अलमल हुने गरी नेपालको इतिहासमा नै एउटा अनौठो काम गरियो। देशको कानुन जस्तो गम्भीर कुरामा बच्चाले कपिमा केरमेट गरे झैँ गरियो।
अर्काको पार्टी फोर्नका लागि देश महामारीसँग जुधिरहेको बेला यो अध्यादेश ल्याइयो। सांसद, पूर्व मन्त्री र पूर्व आइजीलाई लगाएर एक जना सांसदलाई जनकपुरबाट उठाउन लगाइयो। अनि पाँच तारे होटल मेरियटमा बस्