नेपालमा कोरोना संक्रमणको संख्या ३ महिनासम्म आज दिउँसोसम्मको आधिकारिक संख्या १६ जना थियो। तर आज एकै दिन १४ जनाको पुष्टि भएपछि कूल संख्या ३० पुगेको छ। योसँगै प्रदेश नम्बर १ पनि कोरोना संक्रमण फेला परेको ठाउँ हुन पुगेको छ। अब नेपालमा प्रदेश ५ र कर्णाली प्रदेशमा मात्र कोरोना संक्रमित भेटिएको छैन।
आज उदयपुरमा १२ र चितवनमा २ जनाको कोरोना संक्रमण पुष्टि भएको हो। स्वास्थ्य मन्त्रालयले आज आयोजना गरेको नियमित पत्रकार सम्मेलनमा यसबारे जानकारी नदिइए पनि राति स्वास्थ्य मन्त्रालयको आधिकारिक भाइबर र फेसबुकमा यसबारे जानकारी दिइएको हो।
आज फेला परेको १४ वटा नयाँ केस यस्ता छन्-
केस नम्बर १७ : ३४ वर्षका पुरुष, उदयपुर
केस नम्बर १८ : २९ वर्षका पुरुष, उदयपुर
केस नम्बर १९ : २६ वर्षका पुरुष, उदयपुर
केस नम्बर २० : २८ वर्षका पुरुष, उदयपुर
केस नम्बर २१ : २८ वर्षका पुरुष, उदयपुर
केस नम्बर २२ : २८ वर्षका पुरुष, उदयपुर
केस नम्बर २३ : २८ वर्षका पुरुष, उदयपुर
केस नम्बर २४ : २२ वर्षका पुरुष, उदयपुर
केस नम्बर २५ : २५ वर्षका पुरुष, उदयपुर
केस नम्बर २६ : २० वर्षका पुरुष, उदयपुर
केस नम्बर २७ : ४० वर्षका पुरुष, उदयपुर
केस नम्बर २८ : २९ वर्षका पुरुष, उदयपुर
केस नम्बर २९ : २७ वर्षका पुरुष, चितवन
केस नम्बर ३० : ६३ वर्षका महिला, चितवन
उदयपुरको केस भारतीयहरुको हो। त्रियुगा नगरपालिका ३ भुल्केस्थित मस्जिदमा बसेका भारतीयहरुमा कोरोना संक्रमण भेटिएको हो।
चितवनका दुई केस आमा छोरा हुन्। उनीहरु चैत ३ गते बेलायतबाट कतार हुँदै फर्केका थिए।