सनसिटी अपार्टमेन्टको फाइल फोटो।
काठमाडौँको सनसिटी अपार्टमेन्टमा बस्ने एकै परिवारका तीन जनामा RDT परीक्षणबाट कोभिड १९ पुष्टि भएपछि यकिन गर्न PCR विधिबाट परीक्षण गरिएकोमा दुई जनामा पुष्टि भएको छ। मन्त्रालयले सवा ४ बजे गर्ने दैनिक प्रेस ब्रिफिङभन्दा अघि आफ्नो फेसबुक पेजमा यसबारे जानकारी दिएको हो। चैत ५ गते बेलायतबाट आएकी ८१ वर्षीया आमा र ५८ वर्षका छोराको PCR बाट पनि कोरोना पोजिटिभ भेटिएको हो। स्वास्थ्य मन्त्रालयले नियमित पत्रकार सम्मेलन गर्नुअघि नै मिडियामा यसबारे समाचार आएका थिए। बुहारीको पनि RDT परीक्षण पोजिटिभ भेटिएकोमा PCR परीक्षणमा पहिलो पटक नभेटिएको रहेछ। यसमा अलि कन्फ्युजन देखिएकोले पुनः स्वाब लिएर परीक्षण थालिएको छ।
