कसैलाई जान नदिएको धरहराभित्रको उपाकु मार्गमा यात्रा गर्दा के देखियो, हेर्नुस् भिडियोमा

नौ तल्ले धरहरा चार वर्षअघि वैशाख १२ मा पूरै भत्कियो। अहिले त्यहाँ ४२ रोपनी जग्गामा २२ तल्ले नयाँ धरहरा बनाउन लागिएको छ। बन्न लागेको ठाउँमा काठमाडौँको परम्परागत उपाकु मार्ग पर्ने भन्दै विवाद भएको थियो। इन्द्रजात्राको सुरुको दिन मंगलबार काठमाडौँका विभिन्न ठाउँमा धूप र दीप जलाउँदै उपाकु यात्रा गर्ने गरिन्छ। यो वर्ष आफन्त गुमाएकाहरु यसमा लाग्छन्। यो वर्ष छिमेकमा शोक परेको थियो। त्यसैले हामी पनि ३ घण्टा लगाएर यो मार्गमा परिक्रमा गर्‍यौँ। त्यही क्रममा न्युरोडबाट सुन्धारा मार्ग हुँदै बागदरबारतिर जाने क्रममा यो धरहराभित्रको रुट पर्छ। यो वर्ष पुननिर्माण प्राधिकरणले मंगलबारको दिन अस्थायी रुपमा बाटो खोल्ने निर्णय गरेको थियो। कस्तो थियो त त्यो मार्गमा यात्रा गर्दाको दृश्य? हेर्नुस् भिडियो-

यो मार्ग खड्ग आकारको हुन्छ भन्ने गरिन्छ। तर जिपिएस अन गरेर हेर्दा त्यस्तो देखिएन। यस्तो पो देखियो

3 hour Upaku route from GPS tracker, few missing points as tracker went off unexpectedly. #Yenya #Indrajatra pic.twitter.com/nykYbjA1Ga

— salokya (@salokya) September 10, 2019

ओपन स्ट्रिट म्यापमा हेर्न क्लिक गर्नुस्। जिपिएस ट्रयाकर अफ हुन जाँदा बीचका केही रुट खाली देखिएका छन्। खासमा यो परिक्रमा गरेको देखिनु पर्ने हो।