चलचित्र विकाश बोर्डले देखायो अभिनेता खनालको नियतमा खोट, खनालले भने, ‘जुनियर कलाकारले सहे मैले सकिन्’

अभिनेत्री करिश्मा माननन्धरको फेसबुक पोस्टमा  अभिनेता सरोज खनाललेआफ्नो फोटो सहित कमेण्ट गरेपछि सुरु भएको राष्ट्रिय अवार्डको विवादले यतिबेला सामाजिक सञ्जाल तताएको छ। राष्ट्रपति निवासमा भएको कार्यक्रममा अभिनेता खनालले ट्वाइलेटको कमोडमा बसेर खिचेको फोटो सामाजिक सञ्जालमा भाइरल भएपछि अवार्डले नयाँ विवाद सिर्जना गरेको हो।

अवार्ड विवादको सुरुवात अभिनेत्री करिश्मा मानन्धरको फेसबुक पोस्टबाट भएको थियो

उनले लेखेकी थिइन्,

यही फेसबुक पोस्टमा अभिनेता खनालले आफ्नो फोटो सहित रिप्लाई गरेका थिए

फेरि आज चलचित्र विकाश बोर्डले विज्ञप्ती जारी गर्दै अभिनेता खनालले नियोजित रुपमा फोटो खिचाएको भन्दै प्रेस विज्ञप्ती जारी गरेको छ। जसको कारण अवार्ड विवाद अर्को तहमा पुगेको छ।

विकाश बोर्डको विज्ञप्तीमा लेखिएको छ,

‘राष्ट्रपति भवनको सभाहल सँगैको शौचालयमा बसेर गरिएको फोटो सेसन कार्य कुनै असुविधाका कारण नभएर नियोजित रुपमै खिचिएको हाम्रो ठहर छ। शौचालयमै बस्नुपर्ने गरी कुनै पनि कलाकारलाई असुविधा नभएको पनि बोर्ड स्पष्ट पार्दछ।’

बोर्डले विज्ञप्ती जारी गर्दै अभिनेता खनालको नियतमा शंका गर्दै गरेपछि खनालले फेरि मुख खोलेका छन्।

उनले भनेका छन्,

‘लुगा फेर्न जान रुम थिएन, कता जाउँ भयो। ट्वाइलेट देखेपछि त्यतै छिरेँ। साथीभाईहरुले फोटो खिचिदिएछन्। व्यावस्थापन देखेर कार्यक्रम बहिस्कार गरौँ जस्तो भएको थियो तर, राष्ट्रपति निवासको कार्यक्रम, मर्यादा, चलचित्र विकास बोर्डको अवार्ड कार्यक्रम। म चलचित्र क्षेत्रको मान्छे, त्यो संस्थाको गरिमाका लागि पनि नाच्न तयार भएँ।

पछि म किन कलाकार भएँछुु भनी खुुबै पिरोलिएँ, हिनताबोध भयो। हामी कलाकार टुसुक्क बस्ने एउटा सिटका लागि लायक रहेनछौं भन्ने लाग्यो।

‘कहाँ कस्तो कार्यक्रम गर्ने भन्ने मुख्य निर्णय आयोजकको हुन्छ, त्यस्तो साँघुरो ठाउँमा कलाकारलाई राखेर अवार्ड बाँड्दा के कति ख्याति कमाइयो भन्ने लाग्यो होला र ? वास्तवमा सितल निवासको त्यो ठाउँ आउने मान्छेलाई भेटघाट गर्ने ठाउँ रहेछ।

मैले बोल्नुपर्ने कुरा बोलेको हुँ। जुनियर कलाकारले बोलेनन्, उनीहरूले सहेर बसे। तर, मैले सहन आवश्यक ठानिनँ।’