को हो त्यो शक्तिशाली जसले, प्रम ओलीको विवेकको भाडो नै बन्द गर्न सफल भयो

केही दिन यता सामाजिक सञ्जाल विषादी प्रकरणले तातेको छ। एउटै घटनामा  प्रधानमन्त्री  केपी शर्मा ओलीका दुई भिन्न अभिव्यक्तीले उनी विवादित पनि बनेका छन्।

पटक पटक गलत अभिव्यक्ती दिएको र जनताहरुलाई भ्रम छरेको भन्दै प्रम ओलीलाई जनताहरुले, ‘झुक्किए भन्न लाज लाग्दैन्, प्रम ज्यू ?’ भन्दै प्रश्न गरेका छन्।

केही दिनअघि विषादी प्रकरणमा भारतिय दुतावासको पत्र  आएको भ्रम फिजाइएको भन्दै ‘कहाँ आयो खै पत्र ? आएकै छैन् ? सधै भ्रम मात्र फैलाइरहने ?’ भनेर उनले भाषण दिएका थिए।

तर, त्यसको केही दिनपछि भारतिय दुतावासको पत्र मिडियामा सार्वजानिक भयो।

त्यसपछि दूतावासले पठाएको पत्रबारे आफूलाई बेलैमा जानकारी नदिएकै कारण झुक्किएको अभिव्यक्ती प्रम ओलीबाट आयो।

उनले भने,

‘भारतबाट पत्र आएको रहेछ तर मैले आएको छैन भनेर सार्वजनिक रुपमै बोलेँ।विभिन्न ठाउँमा कूटनीतिक प्रयास हुनुपर्छ तर मलाई थाहा नदिइएकाले आफू लज्जित हुनुपर्यो, त्यसप्रति क्षमाप्रार्थी छु।’

ओली यसरी झुक्किएका पहिलो पटक भने होइन्, पटक पटक उनी यसरी झुक्किरहेका छन्।

गत वर्षको चिनी काण्ड होस् या मेलम्चीको पानी काण्ड हरेक काण्डमा प्रम ओली जोडिएका छन्।

बजारमा चिनी अभाव भएको बेला ‘चिनीको भाउ घट्छ नअत्तालिनुस्’ भनेर प्रम ओलीले भन्नासाथ’ ५५ रुपैयाको चिनी ८८ रुपैयाँ पुग्छ।

अनि उनी अर्को भाषणमा उखान टुक्का जोड्दै भन्छन्, ‘मलाई चिनी उद्योगील झुक्काए।’

त्यस्तै मेलम्चीको पानी दशै अगाडी नै घर घरमा पुग्छ भनेर भाषण गरेको वर्षौ बित्दापनि केही प्रगती नभएपछि उनी फेरि भाषणमै भनिदिन्छन्, ‘मलाई मेलम्चीको बारेमा गलत ब्रिफिङ भयो।’

उनको भाषण सुनेर पर्रर ताली पिट्ने जमातको कमी भने छैन्।

‘अब काठमाडौँमा मास्क लगाएर हिड्नु पर्दैन्’ भन्दा होस् या ‘देशका जनता कोही पनि भोकै मर्नु पर्दैन्’ भनेर भाषण गरिरहदाँ तालिको वर्षात हुन्छ।

तर, खाना नपाएर जनता वर्षौदेख मरिरहेका छन् भने केही महिना यता प्रहरीको गोली खाएर मर्ने जनता पनि थपिएका छन्।तर, ओली उनीहरुलाई जनता मान्न् तयार छैनन्। उनी उखान टुक्का जोड्दै भाषण ठोक्छन्, ‘भिरमा जाने गाईलाई राराम भन्न सकिन्छ, काँध हाल्न सकिन्न्।’

प्रम ओलीका पछिल्ला अभिव्यक्ती र ‘एक्सन’ हेर्दा हो उनी पटक पटक झुक्किइरहेका छन्। उनलाई झुक्काइएको छ।

कसैको बहकाउँमा नलागी आफ्नै विवेक प्रयोग गरेको भए प्रम ओलीले ‘शहरमा धुलो उड्न छाडिसक्यो, मानिसहरु मास्क लगाएर हिड्न छोडिसके।’ भन्थेँ र ?

अर्थात ‘सरकारको विरोध गर्न मानिसहरु मास्क लगाएर हिड्न थाले भनेर भन्थेँ र ?’

हो प्रम ओलीलाई झुक्काइएको छ। नझुक्काइएको भए, बालुवाटाबाट नजिकैको शिक्षण र कान्ति अस्पतालमा बिरामीले बेड नपाएर मरिरहँदा उनी किन देशमा पानी जहाज र मनोरेल ल्याउने भन्दै भाषण ठोक्थे र ?

वर्षेनी वर्षा लागेपछि तराईका वस्तीहरु डुबानमा परिरहदाँ उनी किन उखान टुक्का हान्दै मख्ख पर्थे र ?

यी त केही उदारणहरु मात्रै हुन्।

हो प्रधानमन्त्रीले भनेजस्तै उनलाई झुक्याइएको छ। उनी झुक्किएका उदारणहरु टन्नै छन्।

उनलाई नझुक्काइएको भए त, पहिलोपटक प्रधानमन्त्रीबाट बिदाई हुदै गर्दा ‘म फेरि प्रधानमन्त्री हुनेछु र देशको कायापलट गर्छु’ भनेको भाषण अवश्य सँम्झिन्थे।

कायापलट नै नगरेपनि त्यसका केही संकेतहरु दिन्थे।

हो प्रधानमन्त्रीको विवेकको भाडो नै बन्द हुने गरि उनलाई झुक्काइएको छ।

आखिर को हो त्यो शक्तिशाली जसले प्रधानमन्त्रीको विवेकको भाडो नै बन्द गर्न सफल भयो।

अहिलेको प्रश्न नै यही हो,  ‘प्रम जस्तो शक्तिशाली मानिसलाई झुक्याउनेको  को छ अर्को शक्तिशाली ?”

कि फेरि अर्को भाषणमा  उखान टुक्का जोड्दै ‘मलाई अरुले झुक्काए भनेर फेरि झुक्किएछु’ भन्ने हुन् उनले ?