असार १९ देखि तीन दिनसम्म पोखराको फेवाताल नजिकै नेपाल चरा उत्सव मनाइयो। चराको महत्व बुझाउन यो उत्सव गरिएको थियो।
हालसम्म नेपालमा ८८७ प्रजातिका चराहरू अभिलेख गरिएका छन्। ८ प्रजातिहरू लोप भइसकेको अनुमान गरिन्छ। सन् २०१५ को प्रतिवेदन अनुसार नेपालमा १६८ प्रजातिका चराहरू दुर्लभ छन्। २० वर्ष अघि त्यो सङ्ख्या मात्र १२९ थियोl वरिष्ठ चराविद् डा. हेमसागर बरालका अनुसार ‘यस्तै गति रह्यो भने सन् २०३० सम्ममा नेपालबाट ६ प्रजाति लोप भैसक्नेछन्। त्यति बेलासम्म दुर्लभ चराको सङ्ख्या नेपालमा २०० को हाराहारी पुग्ने छन्।’
चौतर्फी चुनौतीलाई कम गर्न ‘पोखरा पन्छी समाज’ ले यो कार्यक्रम आयोजना गरेको थियो। हेरौँ केही फोटोहरु
