अचेल अलि रमाइलो र नौलो कुरा भइराछ देशमा। अस्ति भर्खर खानेपानी मन्त्री बीना मगरले ‘वाटर एटिएम’ उद्घाटन गरिन्। मेलम्ची आउने भन्या त यस्तै उस्तै हो, मेलम्चीको पानीको गफ पनि पुरानो भो, पैसा तिरेर खानुपर्ने वाटर एटिएम पो नयाँ कुरा भो त नि।
बिहीबार राष्ट्रपति विद्यादेवी भण्डारीले लिफ्टको उद्घाटन गरेको पनि नौलो नै कुरा भयो देशमा।
हाम्रो देशका अहिलेसम्मका कुनै पनि राष्ट्रप्रमुखले लिफ्टको उद्घाटन गरेको इतिहास छैन। त्यसैले यो एउटा ऐतिहासिक काम हो। राणा कालमा बनेको हुनाले शितल निवासमा नभए पनि लिफ्ट अचेल धेरै ठाउँमा छ। मल, होटल, अपार्टमेन्ट जताततै। कुनै लिफ्टको पनि यसरी उद्घाटन भएको रेकर्डमा छैन।
मन्दिरमा लिफ्ट त झन् अहिलेसम्मकै नसुनेको कुरा। म