आज माघ १५ गते मंगलवार मिडियाहरु चिकित्सा शिक्षा विधेयक, नेपाली कांग्रेसको भातृ संगठन नेवीसंघको आन्दोलन र २१ दिनदेखि अनशनरत डाक्टर केसीको स्वास्थ्य अवस्थाको बारेमा केन्द्रित भएका छन।
त्यस्तै सरकारले तनहुँको गिरिजाप्रसाद कोइराला स्वासप्रश्वास केन्द्र र बाँकेको सुशील कोइराला प्रखर क्यान्सर अस्पताललाई संघ मातहत ल्याउने निर्णय गरेको छ। यसअघि ९ वटा अस्पताललाई संघ मातहत ल्याउने निर्णय गरेको थियो। नेपाली कांग्रेसले सरकारले कांग्रेसका नेताहरुका नाममा रहेका अस्पताललाई विघटन गराउने मनसायले प्रदेशमा राखिएको भन्दै सार्वजनिक अभिव्यक्ति दिँदै आएको छ।