धनगढी जाँदा बाटोमा झ्यालबाट देखिएको माछापुच्छ्रे हिमालका १२ फोटो

धनगढी जाँदा बाटोमा माछापुच्छ्रे हिमाल कसरी पर्छ? अचम्म लाग्न सक्छ। किनभने काठमाडौँबाट सडकको बाटो जाँदा माछापुच्छ्रे हिमाल छेउछाउ जानै पर्दैन। तर आकाश मार्गबाट जानु हुँदैछ र प्लेनको दायाँ छेउमा बस्नुभएको छ अनि मौसम पनि सफा छ भने तपाईँ मज्जाले माछापुच्छ्रे हिमाल देख्न सक्नुहुन्छ। ५ हजार ८ सय मिटरको उचाइबाट माछापुच्छ्रे हिमाललाई अहिलेसम्म देखेको थिइनँ। केही अघि धनगढी जाने क्रममा श्री एयरलाइन्सको प्लेनको झ्यालबाट देखेका यी दृश्य तपाईँहरुसित बाँड्न चाहेँ।

पोखराबाट देखिने माछापुच्छ्रे हिमाल माछाको पूच्छर जस्तो देखिन्न। तर त्यही हिमाललाई अर्को छेउबाट हेर्ने हो भने ठ्याक्कै माछाको पूच्छर जस्तो देखिन्छ। अन्नपूर्ण राउन्ड ट्रेक गर्ने क्रममा यो हिमालका सब कोण देखिन्छन्। तर आकाशबाट हेर्दा भने एकैछिनमा यो हिमालका फरक फरक रुप देखिने रहेछ।

माउन्टेन फ्लाइट त हैन, तराई फ्लाइट गर्दा देखिएका माछापुच्छ्रेका फरक फरक दृश्य हेर्नुस्।