अपडेट : नेपालले ब्युटी विद् अ पर्पोज अवार्ड पनि जितेको छ।
मिस नेपाल शृङ्खला खतिवडाका फ्यानहरुलाई खुसीको खबर छ। मल्टिमिडिया अवार्ड जितेर शृङ्खला मिस वर्ल्डको टप ३० मा पुग्न सफल भएकी छिन्। अब भोट हालेर मिस वर्ल्ड जिताउँ, एक लाख सेयर गरौँ भनेर सोसल मिडियामा कोलाहल गर्न जरुरी छैन। यहाँभन्दा माथिको यात्रा उनले आफ्नो बलबुताले तय गर्नुपर्नेछ। यसअघि हेड टु हेड च्यालेन्जका लागि भोट भएको थियो। त्यसमा टप २० मा छानिए पनि सिंगापुरे सुन्दरीबाट पराजित भएपछि शृङ्खला टप ३० मा पुग्न असफल भएकी थिइन्। मल्टिमिडिया अवार्ड भने भोटबाट हैन, सोसल मिडिया प्ल्याटफर्म, अडियन्स इन्गेजमेन्ट, क्रियटिभ कन्टेन्ट र इन्फ्ल्युएन्सका आधारमा छानिएको थियो। कति अजासुलाई मल्टिमिडिया अवार्ड पनि भोटिङबाटै छानिने भ्रम थियो। मिस वर्ल्डकै आधिकारिक फेसबुक हेरे त्यो तोडिन्छ।