पानीले माछासँग ओए माछो, चारो ले, म नभए तँ बाँच्दैनस् भन्यो भने माछोले के गर्ला?
अहिले सोसल मिडियामा एउटा पत्र निकै भाइरल भएको छ- खासमा यो सोझो हिसाबमा पत्रकारले गाउँपालिकासँग चन्दा मागेको कुरा हो। तर यसमा लेखिएको भाषा यति रमाइलो भइदियो कि सबले सेयर गर्न थाले। पत्रमा नेपाल पत्रकार महासंघ, कञ्चनपुर जिल्लाका अध्यक्ष विष्णु अवस्थीले स्थानीय सरकार र मिडियाबीचको सम्बन्धलाई माछा र पानी जस्तै भएको लेखेका छन्। ‘मिडिया भनेका पानी हुन् र जनप्रतिनिधिहरु भनेका माछा हुन्’ उनले लेखेका छन्। खासमा माछोले चाहिँ चारा खानुपर्ने हो, तर यहाँ त पानीले चाहिँ माछासँग चारो मागेको देखियो। पानी बिना माछाको जीवन रहन सक्दैन भनेर पत्रकार बिना जनप्रतिनिधि बाँच्न नसक्ने चेतावनी पनि लेखिएको रहेछ पत्रमा।
स्मरण रहोस्, कञ्चनपुर त्यही जिल्ला हो, जहाँको भीमदत्त नगरपालिकामा १३ वर्षीया किशोरी निर्मला पन्तको बलात्कार र हत्या भएको थियो। यो केसमा सत्य तथ्य रिपोर्टिङ गर्न पत्रकार चुकेकै कारण अनेक हल्ला र ‘रे’ ले पूरै प्रकरणलाई अन्यौल र रहस्यमय बनाएको छ।
माछाले चाहिँ यो पत्रको विषयमा कुनै प्रतिक्रिया जनाएको छैन तर पानीले अर्थात् पत्रकारले भने फेसबुकमा यस्तो लेखेका छन्-
त्यसो त असारमा पनि यस्तो पत्र सार्वजनिक भएको थियो-
