पश्चिम नेपालका समाचार खासै चर्चामा आउने गर्दैन। तर कञ्चनपुरकी किशोरी निर्मला पन्तको बलात्कार र हत्याको घटनाले देशैभर आक्रोश बढायो। तीन महिना हुन लाग्दा पनि ती अबोध किशोरीलाई कसले त्यस्तो कुकर्म गर्ने को हो, पत्तो पाउन सकिएको छैन। त्यही जिल्लामा शान्ति सुरक्षा कायम गर्न दशैँको नवमी र दशमी अनि तिहारका तीन दिन मदिरा पिउन, बेच्नसमेत प्रतिबन्ध लगाउने नियम लागू गरिएको छ। मदिराकै कारण शान्ति सुरक्षा कायम हुने हो भने दशैँ र तिहारमात्र हैन अरु बेलामा पनि प्रतिबन्ध कायम गरे जनता सुखशान्तिसँग बस्न पाउने थिए।
कञ्चनपुरमात्र हैन, सिन्धुपाल्चोकको एउटा गाउँपालिकाले पनि यस्तै नियम लागू गरेको छ-
बाजुराको गौमूल गाउँपालिका क्षेत्रभित्र मदिरा पिउन चाहनेले लाइसेन्स (कार्ड) लिनुपर्ने नियम लागू गरिसकेको छ।
जे होस्, अब दूध र औषधिभन्दा सजिलै मदिरा किनेर पिउन पाउने अवस्थामा सुधार आउला नि।