यतिबेला सामाजिक सञ्जालमा बार्सिलोना फुटबल क्लबका स्ट्राइकर लियोनेल मेस्सीको परिवारसहित टीका लगाएको फोटो धेरैले सेयर गरेको देख्न सकिन्छ। फोटोमा मेस्सीको परिवारका सबै सदस्यको निधारमा रातो टीका देखिन्छ भने मेस्सीको कानमा त जमरा पनि सिउरिएको देख्न सकिन्छ। खासमा यो फोटोसप गरी बनाइएको फोटो हो। सक्कली र नक्कली फोटो हेर्नुस्। कसैले रमाइलोको लागि बनाएको फोटो हो यो।
त्यस्तै सामाजिक सञ्जालमा जर्मन फुटबल क्लबले दिएको दशैँ शुभकामना पनि चर्चामा छ। यो भने मेस्सीको झैँ नक्कली फोटो हैन।
बायर्न म्युनिखको भेरिफाइड फेसबुक पेजमा शुक्रबार अपलोड भएको यो फोटोमा कस्टम सेटिङ छ। मतलब नेपाल बाहेक अरु ठाउँमा यो नदेखिने हुनसक्छ।
