उपप्रम उपेन्द्र यादव र मन्त्री शक्ति बस्नेत पनि अब ‘डाक्टर’ :)

प्रधानमन्त्री केपी शर्मा ओलीले भर्खरै कोस्टा रिकाबाट डाक्टर उपाधि पाए। उनी त्रिपल डाक्टर उपाधिधारी भइसके। यसअघि भारतको उत्तराखण्डमा रहेको गोविन्द बल्लभ पन्त कृषि तथा प्रविधि विश्वविद्यालय र विवादास्पद ग्रिनफोर्ड युनिभर्सिटीले डाक्टर उपाधि दिइसकेको छ।

ओली क्याबिनेटमै रहेका उपप्रम तथा स्वास्थ्य मन्त्री उपेन्द्र यादव र वनमन्त्री शक्ति बस्नेतले पनि डाक्टर उपाधि पाएका छन्। यी दुवै मन्त्रीहरु प्रधानमन्त्री केपी ओलीको सुखी नेपाली, समृद्ध नेपालको नारा पूरा गर्न हाल विदेश शयरमा छन्।

बिहीबार लन्डन दूतावासमा आयोजित कार्यक्रममा उनीहरुलाई डाक्टर उपाधि दिइएको हो। तर नझुक्किनुस् है, प्रधानमन्त्री ओलीलाई जस्तै कुनै विश्वविद्यालयले मानार्थ विद्यावारिधी दिएको भने हैन। उनलाई मिस प्रसुन्ना कँडेलले यो उपाधि दिएकी हुन्। कँडेल नेप्लिज नर्सिङ एसोसिएसन युकेकी प्रेसिडेन्ट हुन्।

उनले सम्बोधनका क्रममा पाहुना मन्त्रीहरु दुवैलाई डाक्टर भनेकी हुन्। डाक्टरहरुसँग संगत भइरहँदा मन्त्रीलाई पनि डाक्टर भन्नु कुनै ठूलो गल्ती हैन। मन्त्रीहरु पनि खुसी नै भए होलान्। कसैले मन्त्रीद्वयलाई पनि मानार्थ डाक्टर बनाइदिए हुन्थ्यो नि।

डाक्टर सम्बोधन हुँदाको भिडियो