यतिबेला एउटा कुकुरले जिउ छोपेको नाङ्गो फोटो फेसबुक र ट्विटरमा खुब भाइरल भएको छ। फोटो राखेर फोटो छाप्ने पत्रिकालाई र मोडललाई गाली गर्नेहरु थुप्रै छन्। फोटोजेनिक हैन भद्दा देखिएको फोटोमा शुक्रवार सुन्दरी लेखेको कारण शुक्रवार नामको ट्याब्ल्वाइड साप्ताहिकले छापेको भन्ने बुझिन्थ्यो। तर कहिले छापिएको भनेर गाली गर्नेहरुले खोज्दै खोजेनन्। सोसल मिडियाको फिडमा आएपछि धेरैलाई लाग्यो होला, भर्खरै छापिएको हुनुपर्छ। तर होइन रहेछ। यो फोटो त एक वर्षअघि २०७४ असोज २७ गतेको अङ्कमा छापिएको रहेछ। तर भर्खरै छापिएको जस्तो गरी पोखरामा नेकपासँग मिल्न बाँकी अखिलको माओवादी अर्थात् क्रान्तिकारीले पत्रिका जलाएछन्।