अर्जेन्टिनाको विश्वकप यात्रा आइतबार फ्रान्ससँग हारेपछि दोस्रो चरणमै समाप्त भएको छ। विश्वकप जित्ने मेस्सीको धोको यस पटक पनि पूरा हुन सकेन। नाटकीय खेलमा १ गोलले पछि परेको अर्जेन्टिना २-१ ले अग्रता लिन सफल पनि भइसकेको थियो। तर ११ मिनेटमा फ्रान्सले तीन गोल गरेपछि अर्जेन्टिनालाई खेलमा फर्कन समय नै पुगेन। यो हारलाई अर्जेन्टिनाका पत्रिकाहरुमा कस्तो छापियो त? हेरौँ चार वटा पत्रिकाका कभर पेज।
एल टेरिटोरो नामको पत्रिकाले मेस्सीले मुख छोप्दै गरेको फोटो राखेर हेडलाइन बनाएको छ- अर्जेन्टिना उदासीमा डुब्यो
ला नेसियोँ पत्रिकाले मेस्सीले टाउको झुकाउँदै गरेको फोटो राखेर हेडलाइन राखेको छ- छनौट, बाहिरियो र एउटा चक्रको समापन। फ्रान्सले कमजोरी उजागर गर्दै ४-३ गोल गरेको पनि सबहेडलाइनमा राखेको छ।
क्लारिन्क्स नामको पत्रिकाले अझ क्रुर हेडलाइन राखेको छ। मेस्सीले भूँइमा टाउको राखिरहेको फोटो राख्दै हेडलाइन लेखेको छ- मेस्सी पुस्ताको अन्त्य।
डेमोक्रेसिया नामको पत्रिकाले अरु पत्रिकाले झैँ अर्जेन्टिना बाहिरिएको खबरलाई मुख्य समाचार नबनाई मास्टहेडभन्दा माथि सानो समाचार बनाएको छ। त्यसमा हेडलाइन छ- एउटा पुस्ताको अन्त्य। सबहेडलाइन छ- अर्जेन्टिनाको दुःखद विदाइ।
खेलमा हारजित त भैहाल्छ । हारेर पनि दर्शकको मन जित्न सक्नु र जितेर पनि दर्शकको मन जित्नु नसक्नु मुख्य कुरा हो । हो, मेस्सी उहीँ हुन्, जो खेल हारेर पनि दर्शकको मन जितेका छन् ।