मुक्तिनाथ मन्दिरमा तपाईँ हामी अथवा भनौँ सर्वसाधारणलाई मन्दिर भित्र फोटो र भिडियो खिच्न मनाही गरिएको छ। यसबारे सूचना नै त्यहाँको भित्तामा राखिएको छ। तर भारतीय प्रधानमन्त्री नरेन्द्र मोदी शनिबार मुक्तिनाथ पुग्दा भने त्यो बन्देज उनको मिडियाका लागि लागू भएन। (नेपाली मिडियालाई चाहिँ छिर्नै दिएनछन्) भारतका निजी न्युज च्यानलहरु र सरकारी दूरदर्शनले यहाँबाट प्रत्यक्ष प्रसारण गरेको थियो। यसले पर्यटन प्रवर्द्धनै गर्ने भए पनि नेपालीका लागि प्रतिबन्ध, विदेशीका लागि फुकुवा चाहिँ हुनुहुने थिएन। यदि फोटो खिच्न नपाउने परम्परा थियो भने त्यसलाई अरुका लागि पनि पालना गर्नु पर्थ्यो। तर भएन।