नेपालबाट के-के सामान बाहिर पठाउन मिल्दैन?

त्यसो त नेपालले बाहिर सामान पठाउने भन्दा पनि बाहिरको सामान नेपालमा धेरै ल्याइन्छ। नेपालबाट बाहिर पठाउने सामानहरु निकै कम हुन्छन्। नेपालबाट बाहिर पठाउन नमिल्ने सामानहरु पनि छन्। के के सामाननेपालबाट निकासी गर्न पूर्ण बन्देज लगाइएको छ त?

क)पूरातात्विक, ऐतिहासिक तथा धार्मिक महत्वका वस्तुहरु
१) विदेशी तथा स्वदेशी सिक्का
२) देवी देवताको मूर्ति, ताडपत्र, तथा भोजपत्र
३) पौवा

ख) वन्यजन्तुहरु
१) स्तनधारी मा २६ वन्यजन्तुहरु समावेश गरिएका छन्
२) पंक्षीमा ९ किसिमका पंक्षीहरु समावेश गरिएका छन्
३) घस्रने जातका जन्तुहरुमा ३ थरी अजिङ्गर, घडियाल गोही, सुन गोहोरो पर्दछन् ।

ग) आखेटोपहार
(अति संकटापन्न वा संकटापन्न वन्यजन्तुको मृत शरीर वा शरीरको चिन्न सकिने अवस्थामा रहेको कुनै अंश वा अंग वा शरीरको कुनै पदार्थ वा त्यस्तो पदार्थको समीश्रणबाट बनेको वा तयार भएको कुनै पनि वस्तुलाई भनिएको हो)

घ) मादक तथा लागू पदार्थ
(गाँजा, अफिम, चरेस लगायत संयुक्त राष्ट्र संघको लागू औषध तथा मनोद्दीपक पदार्थको ओसार पसार विरुद्ध सन् १९८८ महासन्धी र लागू औषध सम्बन्धमा सन् १९६१ मा भएको एकल महासन्धीद्धारा परिभाषित गरिए बमोजिमका मादक तथा लागू पदार्थ पर्दछन्)

ङ) विष्फोटक तथा खरखजानाका वस्तुहरु
१) विष्फोटक पदार्थ र त्यसलाई चाहिने फ्यूज वा फ्यूजको लागि चाहिने वस्तु
२) जंगी खरखजाना तयारीको लागि चाहिने पदार्थहरु

च) औद्योगिक मेशिनरी, पार्टपूर्जा तथा कच्चा पदार्थ
१) काँचो छाला
२) कच्चा उन तथा जंगली जीवजन्तुको रौं
३) औद्योगिक मिल मेशिनरीहरु र सो को पार्टपूर्जाहरु

छ) वन पैदावार वस्तुहरु
१) पाँच औंले र ओखरको रुखको वोक्रा
२) सम्वन्धित निकायको स्वीकृत वेगर र विना प्रशोधनका जडिवुटीहरुमा
क) जटामसी
ख) सर्पगन्धा
ग) सुगन्धवाल
घ) झ्याउ
ङ) तालीसपत्र
च) लौठ सल्ला
छ) सुगन्ध कोकिला
३) गोलिया तथा चिरान काठमा
क) साल
ख) सतिस साल
ग) विजय साल
घ) ओखर
ङ) जंगली सिसौ
४) प्रशोधन नगरिएको शिलाजित
५) यार्सागुम्वा र कुट्की
६) सुनगाभा÷जिवन्ती, रक्त चन्दन

ज) पेट्रोलियम पदार्थ
१) पेट्रोल
२) डिजेल
३) मट्टितेल
४) एल.पी. ग्यास

५) हवाई इन्धन (अन्तर्राष्ट्रिय उडानमा संलग्न हुने वायुयानले प्रयोग गर्ने इन्धन वाहेक)

काठको हकमा कुन कुन वन पैदावार निकासी गर्न सकिन्छ ?
आफ्नो निजी जग्गामा उत्पादन गरिएको सिसौ (जंगली सिसौ वाहेक), टिक, युकालिप्mटस्को गोलिया तथा काठ जिल्ला वन कार्यालयको सिफारिसमा निकासी गर्न पाइन्छ ।

के रक्तचन्दन, सुनगाभा/ जिवन्ती निकासी गर्न सकिंदैन ?
संकटापन्न वन्यजन्तु तथा वनस्पतिको अन्तर्राष्ट्रिय व्यापार सम्वन्धी महासन्धी जसलाई छोटकरीमा (साइटिस) भनिन्छ सो को अनुसूचिमा सूचिकृत वनस्पतीहरुको हकमा साइटिस महासन्धीको प्रावधान अनुसार गर्नु पर्ने हुन्छ । त्यसैले यी वनस्पति साइटिसको आधिकारिक प्रमाणपत्रविना निकासी वा पैठारी गर्न पाइदैन ।

उद्योगले पैठारी गरेको मिल मेशिनरी कस्तो अवस्थामा निकासी वा विदेशमा विक्रि गर्न सकिन्छ?
१) आयात गरिएको मिल मेशिनरीहरु सो उद्योगको प्रयोगमा नआउने भएमा
२) उद्योग नै बन्द गरेमा

देहायका खाद्य वस्तुहरुमा निकासीमा परिमाणात्मक वन्देज लगाइएको छ :
धान, चामल, गहँ , रहरदाल र चिनी (यू्रोपेली संघबाट कोटामा प्राप्त हुने वाहेक)

हुलाक पुलिन्दाबाट कति मूल्यसम्मको वस्तु निकासी गर्न पाइने व्यवस्था छ ?
१) स्वीकृत बैंकिङ्ग प्रणाली अन्तर्गत भूक्तानी हुने भए अमेरीकी डलर पाँच हजार मूल्यसम्मको
२) विना बैंकिङ्ग भूक्तानीको हकमा अमेरीकी डलर पाँच सय सम्मको

अमेरिकी डलर पाँच हजार वा पाँच सय भन्दा बढी मूल्यको वस्तुको हकमा के व्यवस्था छ ?
यसका लागि वाण्ज्यि तथा आपूर्ति व्यवस्था विभागबाट इजाजत लिनु पर्ने हुन्छ ।

तेस्रो मुलुकबाट आयातित सामान अन्य मुलुकमा निकासी गर्न पाइन्छ, पाइदैन ?
भारत बाहेक अन्य तेस्रो मुलुकमा निकासी गर्न कुनै बाधा छैन ।

नेपालबाट चामल निर्यात गर्न सकिन्छ कि सकिंदैन ?
निकासीमा परिमाणात्मक बन्देज लागेका वस्तुहरुको सुचीमा चामल पर्ने हुँदा बाणिज्य ब्यबस्थापन विभागको इजाजत लिएर मात्र चामल निकासी गर्न सकिन्छ ।

Biological Fluid निकासी गर्न सकिन्छ, सकिदैन ?
उक्त वस्तु निकासी गर्न प्रतिबन्ध लागेको छैन । निकासीका लागि तोकिएका प्रक्रियाहरु पूरा गरी निकासी गर्न सकिन्छ ।

हवाईजहाज, हेलिकप्टर वा तिनको इन्जिन मर्मत लागि बिदेशमा लैजादा के कति धरौटी राख्नु पर्दछ ?
यस्ता मालवस्तु मर्मतका लागि बिदेशमा लैजानु परेमा सम्बन्धित बायुसेवा कम्पनीको जमानीमा भन्सार अधिकृतले बिनाधरौटी लैजान दिन सक्ने व्यवस्था रहेको छ ।

(स्रोत : भन्सार विभाग)